أزمة الوقود – ج1

للي مايعرفشي حصل إمبارح إنهيار مالي عالمي وده ممكن يكون محسناش بيه بشكل مباشر غير في البورصه إنما لازم هانحس بيه لأننا في النهاية جزء من الإقتصاد العالمي إنما لسه هايأثر لأن اللي حصل مثلا عصف باقتصاد روسيا وهي أكبر مورد للسياحه في مصر واللي حصل برضه خلي سعر البترول نزل النص ومصر مستورده للمنتجات البتروليه فده برضه هايأثر علينا بالإيجاب وهايقلل من عجز الموازنه وبالتالي هايقلل التضخم .... اللي حصل أثر علي أي دوله بيعتمد إقتصادها علي البترول نتيجة انهيار سعر البترول من 110 $ ل 55 دولار ولسه ممكن ينزل أكتر ...

اللي حصل ده له 3 تفسيرات :

الأول إن دي مؤامره من السعوديه وأمريكا لتصفية روسيا وإيران زي ما حصل في الثمانينات من القرن الماضي ونتج عنها تفكك الإتحاد السوفييتي 

ثانيا إن دي مؤامره من الدول المنتجه للنفط وعلي رأسها السعوديه علي الشركات الأمريكيه المنتجه للنفط الصخري علشان الشركات دي تفلس 

ثالثا إن العرض أكبر من الطلب وده اللي خللي سعر النفط ينهار  

علي العموم أيا كان السبب في النهايه الإنهيار حصل ولازم نبدأ نفكر تداعيات الإنهيار ده علي مستوي الإقتصاد الكلي (إقتصاد الدوله ) والاقتصاد الجزئي (مشاريعنا اللي فاتحينها) وربنا يستر علي الجميع  