أساليب الدفع للمورد

لما بتيجي تعمل إتفاق بينك وبين مورد من دولة تانية بيكون من ضمن الإتفاق نظام الدفع .. ومن هنا لازم تكون عارف أساليب وطرق الدفع .. واللي في منها بيستخدم بشكل مستمر وفي منها اللي بيستخدم بشكل نادر ....

الدفع مقدماً

النظام ده من طرق الدفع نادراً ما بتستخدم .. لإن ببساطة إحنا مش عايشين في المدينة الفاضلة .. مثلاً إتفقت مع مورد على توريد بضاعة وإديتة مبلغ البضاعة مقدماً .. إنت تضمن منين إنه يبعت البضاعة في معادها أو البضاعة فيها مشكلة ، هنا المورد واخد ثمن البضاعة مقدماً كاملة لو إتأخر مش هيسبب ليه مشكلة لأن هو الفلوس بتاعتة في جيبه ومطمن .. فبالتالي النظام ده مبيستخدمش إلا في الضرورة القصوى

الدفع عن طريق البنك

وهنا بدفع للمورد عن طريق حسابه في البنك وده بيكون وضع أمن بسبب إستلامك لإيصال دفع .. دا غير إنه وضع أمن لو إنت بتشتري من مورد عن طريق الإنترنت ، مثلاً لو بتشتري بضاعة من موقع علي بابا وإتفقت على الكميات .. الآمن هنا إنك تاخد رقم حساب المورد وتدفعله عن طريق البنك بدل ما تدفعله عن طريق الفيزا لأن لو حصل عملية قرصنة على الحساب بتاعك ووصلوا لرقم الفيزا هيكون في مشكلة كبيرة ليك ونسبة خسارة فلوسك اللي فالفيزا كبيرة

الدفع بنظام الحساب المفتوح

النظام ده بيكون مبني على ثقة متبادلة بينك وبين المورد وعلى سنين خبرة في التعامل مع بعض .. وهو عبارة إن المورد بيفضل يوردلك البضاعة لمدة محددة بينكم وليكن 60 يوم وبد كده بيعمل فاتورة علشان تدفع ثمن البضاعة .. مثال على نظام الدفع ده شركة كاوتش سيارات ألماني إسمها continental tire الشركة ده بتتعامل في توريد الكاوتش مع مرسيدس بنظام الـ open account وهنا الشركة ده بتورد بضاعة لمدة 45 يوم وبعد كده بتحاسب مرسيدس عليها

الإعتماد المستندي

والنظام ده بيقوم على إن البنك بيكون وسيط بينك وبين المورد .. إنت بتحط نسبة من الفلوس المطلوبة والبنك بيغطي باقي المبلغ المطلوب ولما تستلم البضاعة وتبيعها تسدد المبلغ للبنك بالإضافة لعمولة البنك اللي بيتفق معاك عليها ...

بس النظام ده بيعتمد على ثبات سعر الدولار وقوة الإحتياطي النقدي للدولة .. مثال للنظام ده من فترة قريبة وقت التغيير المستمر لسعر الدولار وعدم إستقرارة البنوك وقفت التعامل بنظام الإعتماد المستندي .

لسة في أنظمة تانية للدفع للمورد تقدر تعرفها من خلال كورس " إدارة سلاسل الإمداد " للمحاضر أحمد سالم إستشاري لبعض الشركات العاملة في مجال النقل الدولي واللوجستيات وسلاسل الإمداد والإستيراد والتصدير بمختلف الصناعات .

سجل دلوقتى على اللينك ده 

http://bit.ly/Supply-chain-course 

وخدمة العملاء هتتواصل معاك وتوضحلك كل إستفساراتك