أفريقيا.. الكنز المجهول

لما حد بيتكلم قدامنا عن أفريقيا بنتخيل أماكن بدائية.. حقول.. حروب أو أى تصور خرافى لإن معلوماتنا تكاد تكون معدومة عن بلاد أفريقيا ومميزاتها وثرواتها الطبيعية لكن اللى لازم نعرفه هو ان كتير من البلاد الأفريقية مناخها مناسب جداَ للإستثمار وده بناءاَ على أحدث تقرير سنوى صادر عن البنك الأفريقى للتنمية تحت عنوان «التوقعات الاقتصادية لأفريقيا» اللى وضح فيه ان الموارد الزراعية والطاقية والتعدينية فى أفريقيا التى لم يُستغل معظمها بعد، هى مفتاح تسريع النمو الاقتصادى للقارة وده سبب توجه كتير من المستثمرين لبلاد الدهب والكنز المجهول أفريقيا نتيجة لرخص تكلفة التشغيل والعمال وتوافر المواد الخام بسعر مناسب.

علشان كده النهاردة قررنا نتكلم عن 8 مجالات استثمارية مميزة فى دول أفريقيا

1-مجال الزراعة: تشكل الأراضى الصالحة للزراعة أكتر من 60% من قارة أفريقيا وللأسف النسبة الكبيرة دى غير مستغلة على الرغم من ان الأراضى الأفريقية بتتميز بنسبة خصوبة كبيرة دى بالإضافة لوفرة المياه ووجود نسب كبيرة من المياه الجوفية لكن للأسف فى نقص كبير في طرق الزراعة الحديثة ودى تعتبر فرصة هايلة ولازم يستغلها أى مستثمر فى المجال الزراعى.

2-الثروة الحيوانية: جودة الاراضي الزراعية في أفريقيا من الأسباب اللى بتخليها مرعى كويس للثروة الحيوانية وممكن استغلالها في انشاء مجازر لتوريد اللحوم ذات الجودة العالية والسعر المنخفض .

3-الثروة السمكية : من اكتر الحاجات الغير مستغلة في افريقيا بالنسبة لأسعارها الزهيدة هى الثروة السمكية اللى موجودة بشكل كبير جداَ وبتمثل نسبتها أكتر من11 % من الاحتياطى العالمي ورغم ده بينعدم وجود مزارع سمكية فى أفريقيا.

4-البنية التحتية : مؤخراَ حصل تركيز كبير جداَ فى انشاء شبكات طرق شبكات صرف صحي فى كتير من الدول الأفريقية وده هيسهل علي المستثمرين فى حالة التصدير أو الاستيراد.

6- النفايات: تحتوي افريقيا علي اكبر مجمع للنفايات الالكترونية في العالم وللاسف بيتم التخلص منها بالدفن او الحرق على الرغم من امكانية استخدامها واعادة تدوير النفايات لمنتجات مختلفة.

7- قطاع الصناعة : تمتلك افريقيا كم هائل من الثروات المعدنية يمكن استخدامه في مجال الصناعة بالاضافة الي ايدي عاملة زهيدة وسوق جيد لاصحاب الحرف اليدوية والصناعات الصغيرة والصناعات التكملية للمصانع الكبيرة.

8- قطاع الطاقة : من اكبر المشاكل الموجودة في افريقيا مشكلة الكهرباء لارتفاع تكلفتها وده هيخلي في فرص استثمارية متاحة للطاقة البديلة وخاصة مجال الطاقة الشمسية.

تقريبا احنا اتكلمنا باختصار عن الفرص والمجالات المميزة للاستثمار فى أفريقيا واستنونا الفترة الجاية هنكتب بالتفصيل عن كل بلد أفريقية ومميزاتها.