FB Instagram Twitter Youtube Linkedin
920033973
16342
  • المدونة
  • إزاي تبدأ مشروعك
  • كيفية بدء مشروع ناجح 2- التخطيط
article

كيفية بدء مشروع ناجح 2- التخطيط

September 25, 2019    

المرحلة الثانية من كيفية بدء مشروع ناجح "التخطيط" أو "دراسة الجدوى"
والمرحلة دي مرحلة مهمة جداَ لأن فيها 3 عناصر مهمين ومرتبطين جداً ببعض وبنجاح المشروع وهم دراسة السوق، الدراسة الفنية للمشروع، ودراسة الجدوى المالية.

ما هى أهمية "دراسة الجدوى"؟
أي حد بيفكر يفتح مشروع جديد بيكون عندة شوية قلق وخوف من مخاطر المشروع وهنا بيجي دور دراسة الجدوى لأنها ببساطة شديدة هي اللي بتحددلك الطريق الصح وتخليك تتخذ القرار الأفضل وتبينلك إزاي تقدر تبتدي مشروعك بنجاح مع توضيح كل الإيجابيات وعناصر النجاح وتستمر فيه وإظهار كل السلبيات وتعرف إزاي تتغلب عليها وتتجنبها.

عناصر دراسة الجدوي  
الدراسة الفنية
الدراسة مالية 
الدراسة التسويقية (دراسة السوق)

الدراسة الفنية:
وهنشرحها بالتفصيل لإن الدراسة الفنية عنصر مهم جداً لعمل دراسة جدوى كاملة وعشان تعمل دراسة فنية مظبوطة لازم تمر على المراحل الاتية:

1- حدد حجم مشروعك بناءاَ على المبلغ اللي معاك وحدد الإطار العام ليه علشان تقدر تحدد انتاجية مشروعه وتتوقع زيادته أو نقصانه وكمان بتحدد أو تتوقع حجم الطلب على انتاجك علشان تقدر تتجنب حدوث فجوة بين الإنتاج والطلب على المنتج أو السلعة.

2- في ظل وجود وفرة وكثرة في الأشكال والإمكانيات واحجام الوسائل التكنولوجية حاول تحدد احتياج مشروعك والأنسب ليك من الآلات والمعدات التكنولوجية المختلفة، بمعنى إنك متشتريش حاجة ملهاش لازمة لو مش هتفيدك في مشروعك وخصوصاً في بدايتك لكن يفضل انك تستخدم أعلى مستوى في الوسائل التكنولوجية اللي هتفيد في مشروعك.

3- طبعاً بعد ما بتختار الوسائل التكنولوجيه اللي هتطلعلك الانتاج المستهدف بتيجى مرحلة تحديد نوع المواد الخام والوقود اللي هتستخدمهم وتعرف السعر وحاول يكون مكان التوريد قريب من مصنعك او شركتك في حالة عدم تصنيعك للمواد الخاصة بيك بسبب البداية وضعف الموارد.

4- تحديد عدد العمالة اللي هتحتاجها لتشغيل مشروعك والعمالة تنقسم لـ (عمال نظافة - عمال على الماكينات – حراسة – سواقين – موظفين الادارة – ملاحظين على العمال)

5- تحديد وسائل النقل اللى هتستخدمها لنقل المنتجات الخاصة بيك لتوصيل المنتجات للعملاء أو لنقل المواد الخام للمصنع.

6- تحديد وسائل الاتصال والانترنت.

7- الاستعانة بمهندس أو شخص فاهم وعنده خبرات في عملية تحديد وتخطيط وتنظيم مساحات المصنع والانشاءات والمباني الخاصة بمشروعك وتحديد مكان وجود الآلات وتحديد أماكن كل الأقسام الخاصة بمشروعك لأنه يجب أن توفر كل انشاءات المشروع عشان تضمن استمرارك في السوق.

8- تحديد الأجور والمرتبات الخاصة بالعمال وأفراد الإدارة وحاول تعرف متوسط جميع المرتبات في مشروع زي مشروعك ومينفعش إنك تقل عن المتوسط ده عشان تجذب بيها العمالة ودة مهم في بدايتك.

9- تحديد مكان المشروع من العمليات المهمة جداً وبيختلف من شركة لشركة بمعنى انك لو هتعمل مصنع غير لو هتعمل شركة استيراد وتصدير وفى عدة عوامل لإختيار المكان:
• اختار المكان القريب من العمال وأفراد الإدارة.
• الظروف المناخية للمكان.
• عمل حساب التوسع في المستقبل.

10- احسب تكاليف تأسيس مشروعك الخاصة بتكلفة الأرض والمباني وتكلفة تسجيل مشروعك وحساب المعدات والأجور وحساب دراسة الجدوى والدعاية.

11- مرحلة المراجعة من المراحل المهمة قبل بداية مشروعك لانك بتراجع فيها كل نقطة اتكلمنا فيها وبتشوف كل نقطة ماشية مظبوط ولّا لأ والمرحلة دي بتاخد القرار بتنفيذ المشروع أو التأجيل أو الإلغاء.

12- حساب وترتيب الجدول الزمني لإنشاء مشروع وفى المرحلة دى بيتم تحديد الاطار الزمنى لبداية الانشطة الخاصة بمشروعك بدايةً من مرحلة التعاقد وتشمل شراء الارض والمعدات وترخيص مشروعك وانشاء المباني وموعد إستلام كل أفراد العمل لوظائفهم وتحسب فترة اول انتاج ليك.

كده احنا عرفنا عناصر دراسة الجدوى الفنية وحاول تتأنى كويس في العناصر دي عشان بتحدد مصير المشروع بنسبة كبيرة وانتظرونا في الجزء الثالث هنشرح فيه الدراسة المالية ودراسة السوق.


مقالات مشابهة

المزيد
كيف تستفيد من جهاز تنمية المشروعات الصغيرة والمتوسطة ومتناهية الصغر؟ 
كيف تستفيد من جهاز تنمية المشروعات الصغيرة والمتوسطة ومتناهية الصغر؟ 

هل امتلكت يومًا فكرة مشروع ما وتراجعت عن تنفيذه لأنك

حتى لا تخسر أموالك، إليك 9  أفكار مشاريع محلات تجارية مربحة وغير مكلفة 
حتى لا تخسر أموالك، إليك 9  أفكار مشاريع محلات تجارية مربحة وغير مكلفة 

في ظل عالم يتطور بسرعة سريعة لا تتوافق مع الدخل الثابت

كيفية بدء مشروع ناجح 4
كيفية بدء مشروع ناجح 4

المرحلة الرابعة من كيفية بدء مشروع

كيفية بدء مشروع ناجح 3
كيفية بدء مشروع ناجح 3

المرحلة الثالثة من كيفية بدء مشروع ناجح هنتكلم عن عنصر

الأكثر قراءة

المزيد
ازاي تبدأ مشروعك .. خطة العمل أو Business Plan
ازاي تبدأ مشروعك .. خطة العمل أو Business Plan

أول حاجة عشان تبدأ مشروع لازم تعمل إعداد خطة العمل

حتى لا تخسر أموالك، إليك 9  أفكار مشاريع محلات تجارية مربحة وغير مكلفة 
حتى لا تخسر أموالك، إليك 9  أفكار مشاريع محلات تجارية مربحة وغير مكلفة 

في ظل عالم يتطور بسرعة سريعة لا تتوافق مع الدخل الثابت

ازاي تبدأ مشروعك .. الفكرة
ازاي تبدأ مشروعك .. الفكرة

النهاردة هنبدأ معاكوا سلسلة عن ازاي تبدأ مشروعك ..

20 سؤال وجواب في البيزنس والتسويق
20 سؤال وجواب في البيزنس والتسويق

يواجه رواد الأعمال وأصحاب المشاريع الناشئة العديد من

ازاي تبدأ مشروعك .. التخطيط
ازاي تبدأ مشروعك .. التخطيط

بعد ماشرحنا ازاي نختار فكرة أي مشروع ناجح والعناصر

فكرة مشروع
فكرة مشروع

أنا عندى فكرة مشروع هايلة بس ناقصنى التمويل .... أنا فيه

كيفية بدء مشروع ناجح 1- الفكرة
كيفية بدء مشروع ناجح 1- الفكرة

في الفترة الاخيرة جتلنا أسئلة كتير جداً شكلها يبدو

 15 أداة تساعدك في اختيار اسم مشروعك التجاري
 15 أداة تساعدك في اختيار اسم مشروعك التجاري

عندما نتحدث عن مراحل إطلاق المشروع التجاري، قد تجد أن

إزاي تحول فكرتك لمشروع قائم!
إزاي تحول فكرتك لمشروع قائم!

10 خطوات لتحويل فكرتك لمشروع قائمأكتر سؤال بيجيلنا