FB Instagram Twitter Youtube Linkedin كيفية بدء مشروع ناجح 3 | أكاديمية اعمل بيزنس
 
الرجوع الى المدونة

كيفية بدء مشروع ناجح 3

كيفية بدء مشروع ناجح 3

المرحلة الثالثة من كيفية بدء مشروع ناجح هنتكلم عن عنصر دراسة السوق 

يعني إيه دراسة السوق: 
هي تحليل كمي ونوعي للسوق من حيث الحجم وشرائح العملاء والمنافسة! يعني ايه الكلام الكبير ده بقى؟؟
دراسة السوق ببساطة عملية تحليل وتحديد الشرائح والعملاء المستهدفين لمشروعك أو ببساطة كدة بتوضح لك العملاء اللي انت متوقع يشتروا منتجك ولو جينا نقول مثال بسيط لو انا رجل اعمال و هعمل مشروع، دراسة السوق هي اللي بتوضح أي نقص لأي خدمة او منتج مش موجود في السوق وكمان بتعرفك مدى تقبل السوق لفكرة مشروعك و بتوضح لصاحب البيزنس مدى احتياج المستهلك للمنتج وإيه هي أهم النقاط اللي مفروض يركز عليها للعملاء المحتملين مع توضيح القدرة على تلبية إحتياجات العملاء.

 ما هي مراحل عمل دراسة السوق
وليه انا بعملها أو إيه أهميتها بالنسبالي قبل بداية المشروع أو قبل طرح المنتج..
هنبتدي بالمراحل اللي هتخليني أعمل دراسة سوق

1- تجزئة السوق ودراسة المنافسين

2- تحديد السوق المستهدف واستهداف العملاء

3- تحديد احتياج السوق من المنتجات وعدم تكرار منتج موجود بكثرة في السوق

قيمة للمنتج بتاعك و بتخلي العميل يتكلم عن منتجك بشكل ممتاز و هنا ممكن نكون سمعة علامتك التجارية في إيد العميل.

4- تحديد منافسيك في السوق الحالي وتحديد خطة لمنع منافسيك من أخذ حصة تسويقية في السوق وهنا لازم اقولك لو هتعمل مشروع جديد متنزلش بكل القوة الضاربة او كل الميزات التنافسية الخاصة بيك، لازم تعمل حساب المستقبل والعملاء الجدد.

5- إختبر منتجك قبل نزوله السوق يعني لو هتنزل بمنتج بسكويت حاول تنزل المولات الكبيرة و تسأل الناس عن رأيها فيه ولو بيشتروا يدفعوا فيه كام!!

6- تحديد ميزانية الحملة التسويقية لانطلاقها قبل نزول منتجك.

7- إستخدام عوامل المزيج التسويقي السبعة للتأثير على تفاعل العميل في عملية الشراء وبالمناسبة السبع عوامل مرتبطين ببعض جداً وهم:

 المنتج: حاول تاخد بالك إنك مفروض تقدم منتجك من وجهة نظر العميل مش من وجهة نظرك ومش شرط تزويد إمكانيات في المنتج العميل مش مهتم بيها أو مش محتاجها ده غير انك لازم تشتغل على جودة منتجك في البداية مع تطويرها في المستقبل على حسب احتياج العميل.

• السعر: مراعاة ان يكون السعر تنافسياً لا عالي جداً على منتج بسيط قوي ولا رخيص قوي على منتج فيه إمكانيات لان ممكن يكون المنتج المنافس ليك في السوق ب100جنية والمنتج اللي هتنزل بيه ب50جنية وبكدة العميل هيقول على منتجك مضروب أو في مشكلة فيه.. يبقى لازم السعر مناسب ومتوافق تماماً مع مستوى الخدمة اللي هتقدمها للعميل.

• المكان: إختيار المكان مهم جداً لأنه بيمثل الطبقة اللي بيتم إستهدافها ولو هنوضح بمثال لو هفتح محل أحذية في مكان راقي يبقى لازم اخد بالي لان المكان بيمثل الطبقة المستهدفة وراحة العميل وصورة المحل مع مراعاة جودة وسعر المنتج وحاول تراعي قرب المكان لكل العملاء المحتملين مع محاولة وجود عملية الشحن لمعظم الاماكن المستهدفة.

• الترويج أو الاعلانات: طبعاً الترويج عامل مهم جداً من العوامل السبعة للتسويق عشان كدة لازم ناخد بالنا ان تكون حملة الاعلانات لايقة على باقى العوامل السبعة اللي تم تحديدهم يعني لو بوزع بروشور مطبوع لازم اخد بالي ان الكلام يكون سهل لعين القارئ وتكون جذابة غير اني لازم انوع من عملية الترويج لمنتجي من خلال الإعلانات على الطرق واعلانات الفيسبوك واليوتيوب واعلانات جوجل وكل الوسائل الخاصة بإعلانات السوشيال ميديا مع الأخذ في الاعتبار أن يكون في عروض وخصومات مميزة اثناء الافتتاح مع تحديد وقت انتهاء العروض

 الادلة المادية: المرحلة دي ليها علاقة بالاماكن الخدمية اللي تقدم خدمة غير ملموسة زي مكاتب الاستقبال الخاصة بالمدارس والبنوك واهتمامهم بشياكة المقر رغم إن العملاء مش هيفرق معاهم اوي شكل المقر زي الفائدة على فلوسهم بس الفكرة كلها ان الاماكن الخدمية اللي بتقدم خدمة مش ملموسة بتهتم بشكل المكان لانه يعتبر دليل على الخدمة بتاعتهم هتكون قوية ومميزة.

• العملية (Process): عملية الـ process هي خدمة يتقدم للعملاء أثناء الشراء زي عملية التسليم ولو هنقول مثال بسيط مينفعش العميل يقف في طابور طويل جداً عشان يدفع فلوس أو يستلم وبرضه لازم الموظفين يكون عندها كل المعلومات على جميع المنتجات وطبعاً المرحلة دي مش بتكون موجودة غير في المعاملات الحكومية زي مثلا الشهر العقاري فلازم تاخد بالك من كل النقاط دي عشان العميل ممكن يمل منك.

 الأشخاص: الأشخاص أخر مرحلة من السبع مراحل اللي هنتكلم فيهم والاشخاص مهمين جداً لاي مشروع او شركة او محل في عملية خدمة العميل.. الاشخاص اللي بيشتغلوا في المكان بيكونوا الواجهة بتاعته فلازم اخد بالي اني لو فتحت مشروع أو محل أو شركة ممتازة جداً في المنتجات بس في اشخاص ممكن يسوؤا سمعة الشركة لو كلموا العميل بطريقة مش كويسة وخصوصاً في خدمات ما بعد البيع لانها بتضيف

بعد ماعرفنا إزاي اعمل دراسة السوق هنا السؤال اللي هيدور في الذهن دراسة السوق هتفيدينى بإيه؟!

1- تحديد إحتياجات السوق للمنتجات مش شرط المنتج اللي هتقدمه فقط

2- تحديد الشريحة المستهدفة و اهتماماتهم

3- إكتشاف شرائح جديدة في السوق

4- توقع حجم العرض وحجم الطلب على المنتج 

5- دراسة السوق بتعمل عملية توضيح للمواصفات المطلوبة من المشتري (المشتري عايز إيه؟)

6- توقع حجم الطلب المستقبلي على المنتج بتاعك 

7- تحديد نقاط تميز وضعف المنافس حط في اعتبارك إنك تراقب المنافسين بتوعك سواء في السعر أو جودة المنتج أو على السوشيال ميديا وتشوف اراء الناس عليهم من خلال المواقع أو الفيس بوك.

8- إيجاد ميزة تنافسية خاصة بيك ولو هنقول مثال بسيط في سلاسل مطاعم كتير جداً في مصر ولكل سلسلة ميزة تنافسية خاصة بيها مثلاً سلسلة مطاعم ماكدونالدز بتتميز بانها اسرع دليفري في مصر و بيتزا كينج دايماً بتكون ميزتها في العروض (واحدة وواحدة).