في أمريكا بنلاقي نسبة كبيرة الشباب من هواة التسلق وفي مئات المحلات والشركات اللي بيقدموا منتجات وخدمات ليهم، لكن الشركة الأشهر هى شركة REI، ودا مش لجودتة منتجاتهم فقط ؛ لأن في شركات منافسة ليها بتقدم منتجاتها بجودة عالية، السبب إن الشركة بتقدم تجربة مميزة لعملائها.

شركة REI اقدرت تسوق منتجها للزبائن عن طريقة تجربة المنتجات ودا من خلال أماكن مجهزة لكدا، قسم معدات التسلق فيه مرتفعات مبنية مخصوص علشان العملاء يجربوا الأدوات والأحذية والمعدات ويشوفوا مدى راحتهم في إستخدامها، كمان بيوفروا مساحة كبيرة علشان عشاق التخييم ويجربوا الخيمة والأدوات بتاعتها ؛ كمان عشاق ركوب الدراجات معمولهم طرق ومرتفعات مخصوصة ليهم للتجربة.

الشركة اقدرت تسوق منتجها للزبائن بطرية تانية وانها وفرت مدربين متخصصين في كل قسم ؛ ياعني قسم التخييم فيه مدربين علشان يعرفوهم ازاي يبنوا الخيمة، وقسم أدوات ومعدات التسلق فيه مدربين كانوا متسلقين سابقين علشان يوضحولهم الأفضل والأنسب.

اللي بيميز الشركة إن عنيها دايماً على الـ consumer behavior وبيشوفوا العملاء بيحتاجوا إيه ويحاولوا يوفروه أو بيشتكوا من إية ويحاولوا يعالجوه، دا وضح لما بدأت الشركة تلاحظ طلبات السيدات للمنتجات تكون متوفرة بألوان زاهية تناسب الزوق البناتي، وفعلاً الشركة وفرت في منتجاتها ألوان زاهية وبالتالي عرفت تسوق منتجها لشريحة السيدات من السوق.

من الحاجات اللي إهتمت بيها الشركة في تسويق منتجها إنها توفر تجربة مميزة للعميل على موقعها على الإنترنت ودا بسبب جودة الصور للمنتجات وتعددها لنفس المنتج ووصف شامل ودقيق للمنتج ؛ لدرجة إن الموقع ساهم في رفع المبيعات سنة 2003 بقيمة 84 مليون دولار.

مبدأ التجربة إعتمدت علية شركة REI في تسويق منتجها وفعلا نجحت فيه وبقت إستراتيجية من أنجح الإستراتيجيات دلوقتي على مستوى العالم.

نصائح لتسويق منتجك

سوق منتجك من خلال إيجاد حل لمشكلة العميل وليس بهدف اتمام عملية البيع فقط.

استخدم اسلوب سرد القصص في التسويق لمنتجك عشان يفضل مؤثر في عقل العميل.

استخدم اساليب في تسويق منتجك لا يستخدمها المنافسين زي المثال اللي شرحنا في اول المقال.