إزاي تعمل خطة تسويقية في 7 خطوات!

أهمية الخطة التسويقية :

كتير من أصحاب المشاريع - وخاصة أصحاب المشاريع الصغيرة - بيبدأوا مشاريعهم بدون وضع خطة تسويقية واضحة لمشروعهم إعتقاداً منهم انها مش مهمة ومش هتفيدهم في حاجة،على الرغم إن الخطة التسويقية مهمة جداً لأي بيزنس سواء كان صغير أو كبير لإنها بتوضح مسار الشركة وبتعرف من خلالها إيه هي نقاط القوة والضعف وإيه هي الوسائل إللي هتساعدك في نجاح مشروعك.

 ماهي عناصر الخطة تسويقية :

1- حدد طبيعة البيزنس: 

قبل ما تبدأ تعمل أي حاجة في الخطة التسويقية لازم الأول يكون عندك خلفية كبيرة عن البيزنس إللي هاتعمله خطة تسويقية علشان تعرف تسوقله كويس لأن أكيد مش هاتعرف تسوق لـ أي حاجة انت ماتعرفش عنها أي معلومات! وعلشان كده لازم يكون متوافر عندك معلومات أساسية زي :

1.  إيه هي الخدمات إللي بيقدمها البيزنس؟
2.  هل البيزنس ليه تواجد على الأرض ولا أونلاين فقط ولا الاتنين؟
3.  هل الشركة إللي بتسوقلها ملك شخص واحد ولا في شركاء ؟
4.  إيه هي نقاط القوة والضعف في البيزنس؟

2- تحديد السوق المستهدف " Target Market "

من النقاط المهمة جدًا وانت بتعمل الخطة التسويقية هي إنك تحدد العملاء المستهدفين إللي محتاجين المنتج أو الخدمة بتاعتك، مافيش حاجة إسمها هاستهدف العملاء كلهم! مافيش منتج ينفع للناس كلها بمختلف أعمارهم وجنسهم ومستواهم.

 في الخطوة دي بنحدد استهداف العملاء على أساس : 

1. - السن. 
2. - الجنس. 
3. - الوظيفة. 
4. - الاهتمامات. 
5. - سلوكهم الرائي.
   
   

 3- تحديد المنافسين

من الضروري جداً إنك تحدد المنافسين بتوعك وتعرف كل حاجة عنهم، زي الخدمات إللي بيقدموها، أسعار المنتج، طريقتهم التسويقية، هل ليهم تواجد أونلاين ولا لأ؟ بعد ما تحلل منافسينك وتعرف كل حاجة عنهم لازم تقدم ميزة تنافسية تتميز بيها عن غيرك من المنافسين، ولو انت ماعندكش المقدرة انك تتميز عنهم، على الأقل لازم تكون في نفس مستوى الخدمة اللي بيقدموها مش أقل منهم.

4-تحديد نوع التسويق

في الخطوة دي بنحدد هل هايتم التسويق أونلاين ولا أوفلاين ؟ ولو أونلاين بنحدد هنكون متواجدين على أي قناة تسويقية ؟ فيسبوك ولا إنستجرام ولا يوتيوب ولا تويتر ….وغيرهم.

5- تحديد الأهداف

في الخطوة دي بنقوم بتحديد الأهداف إللي عايزين نوصلها زي مثلاً :

1. - زيادة المبيعات.
2. - الناس تعرف البيزنس بتاعك " Brand awareness " 
3. - تحويل العملاء إلى موقعك الإلكتروني، وبننصح دايماً في الخطوة دي إنك وانت بتحدد أهدافك تحدد أهداف معقولة سهلة التحقيق ومنطقية.
   
   

   6- تحديد كيفية تحقيق الأهداف ! "Outline Strategies"
   

   المرحلة اللي بتكون بعد تحديد الأهداف مباشرًة هي اننا بنوضح الاستراتيجيات أو الخطوات اللي هانستخدمها علشان نحقق الاهداف دي.
   لو مثلاً من ضمن أهدافي هي زيادة عدد الـ Fans إلي مليون شخص، بوضح إيه هي الخطوات اللي هعملها عشان العدد يزيد ويوصل لمليون شخص، زي مثلاً إننا هانعمل حملات إعلانية مدفوعة يكون الهدف منها هي زيادة عدد الـ فانز.
   
   

   7- تحديد الميزانية
   

   من الضروري انك تحدد الميزانية اللي هاتصرفها على التسويق، وتحدد كل حاجة بالتفصيل، و وارد جداً انك تقوم بتغيير في الميزانية سواء بالنقصان أو الزيادة.
4.