FB Instagram Twitter Youtube Linkedin إزاي دراسة سلوك المستهلك أنقذت ماكدونالدز ؟! | أكاديمية اعمل بيزنس
 
الرجوع الى المدونة

إزاي دراسة سلوك المستهلك أنقذت ماكدونالدز ؟!

إزاي دراسة سلوك المستهلك أنقذت ماكدونالدز ؟!

ايه هو تعريف سلوك المستهلك :

هو كيفية اتخاذ العملاء قرار الشراء لمنتج أو سلعة معينة وايه هي القرارات اللي بتؤثر علي قرارتهم ورغباتهم عند الشراء.

ايه السبب اللي يخليني اهتم بسلوك المستهلكين :

لو انت محتاج تبيع خدمة أو منتج فبالتالي فهمك لقرارات المستهلك واختيارته هيخليك تعرف ايه هي الفجوة اللي بتؤثر علي العميل بين المنتجات المعروضة وطلبه لهذه المنتجات أو الخدمات.

مثال في كيفية استخدام سلوك المستهلك :

في التسعينيات لاحظت شركة ماكدونالدز إنخفاض في نسبة المبيعات وصلت ودا أدى لإنخفاض الأرباح وبسبب قوة المنافسة القوية في سوق الـ fast food اضطرت الشركة لتخفيض أسعار منتجاتها علشان تقدر ترفع نسبة المبيعات تاني ؛ لكن مع انخفاض نسبة المبيعات لـ 3% بدأت الشركة إنها تدور على الأسباب وبدأت تركز على سلوك المستهلك.

استعانت شركة ماكدونالدز بشركات علشان تعملها دراسات على سلوك المستهلك في سوق الاكلات السريعة ؛ وكانت النتيجة هى إن في ظهور شريحة جديدة من العملاء مهتمة بالحفاظ على البيئة والصحة العامة والقيمة الغذائية ونسب الدهون ؛ وبتوضح الدراسات دي إن شريحة العملاء دي بيبقى عندهم تخوف كبير من العبوات وورق التغليف اللي بيتفاعلوا مع الأكل، الغريبة إن الدراسة وضحت إن في ناس كتير بدأت تقتنع بأراء شريحة العملاء دي وبالتالي الشريحة حجمها بيكبر.

ومع تأكيد الدراسات أخدت شركة ماكدونالدز مجموعة من القرارات أهمها التأكيد على إستخدام عبوات ومواد تغليف وادوات ماتتفاعلش مع الأكل وفى نفس الوقت ينفع يتعاد استخدامها حفاظا على البيئة ؛ وعلشان الشركة علشان تحقق الموضوع ده صرفت حوالي 100 مليون دولار، دا غير الدعم اللي قدمتة الشركة للجمعيات والمؤسسات البيئية الخاصة بإعادة تصنيع المواد.

كمان خدت الشركة خطوات كبيرة في توضيح القيمة الغذائية لمنتجاتها اللي إعتمدت على الزيوت النباتية في عملية تصنيعها ؛ دا غير تقديم هامبورجر جديد تحت مسمى McLean Deluxe واللي كان خالي الدسم، مع التغيرات الكبيرة اللي عملتها شركة ماكدونالدز قدم معهد جالوب الأمريكي بحث أثبت نجاح حملة التغيير اللي عملتها الشركة ودا لأن نتايج البحث أثبتت إن 67% من اللي شاركوا في البحث شافوا إن شركة ماكدونالدز بقت من أهم الشركات المهتمة بالبيئة.

لو لاحظت هتلاقي إن سبب عمليات التغيير اللي قامت بيها الشركة هى دراسة سلوك العميل وإن سلوك المستهلك ممكن يتغير أو يتأثر بالبيئة أو المتغيرات اللي بتحصل حوالية وبالتالي لما تبقى عينك على سلوك العميل بتاعك هيأدي إنك ممكن تحسن أو تغير من منتج أو تقدم منتج جديد علشان ما تفقدش العميل او يروح للمنافس بتاعك.

شارك المقال :