FB Instagram Twitter Youtube Linkedin إعمل بيزنس .. عام خامس بـ "طموحات جديدة" (3) | أكاديمية اعمل بيزنس
 
الرجوع الى المدونة

إعمل بيزنس .. عام خامس بـ "طموحات جديدة" (3)

إعمل بيزنس .. عام خامس بـ

- فيه طريقين فقط لأي مشروع علشان مشروعك يكسب ويحقق معدلات ربح ... إما جاذبية السوق أو الميزة التنافسية ..... يعني إما إن السوق يبقى شغال كويس فأي حد بيفتح بيلاقي عميل ويبيع ويكسب مهما كانت جودة خدمته لأن السوق كبير والعملاء كتير وأصحاب الجودة مش ملاحقين على الشغل فالناس بيضطروا يتحملوا عيوب المورد حتى لو لم يكونوا راضيين عن الخدمة ... زي مثلا لو فيه 5 مطاعم كل مطعم قادر على خدمة 100 عميل فقط فيهم 2 مميزين جداً وال 3 الباقيين مستواهم متدني ... في النهاية هناك 200 عميل هيذهبوا للمطعمين الأوائل بناء على السعر والباقي سيتم توزيعهم على ال 3 مطاعم الأخرى ...

- طيب لو انخفض السوق وقل عدد العملاء ل 200 فقط ؟ ده معناه إن المطعمين المميزين لن يتأثروا تماماً وسيكون لدى كل مطعم منهم 100 عميل ولن يتأثروا بإنخفاض عدد العملاء ولن يتأثر دخلهم أو أرباحهم بينما ال 3 مطاعم السيئة ستغلق لأنها لن تجد عملاء.

- طيب لو انخفض السوق وقل عدد العملاء ل 300 عميل فقط ؟ ده معناه إن أول 200 عميل هيذهبوا للمطعمين المميزين وال 100 عميل هيتوزعوا على ال 3 مطاعم لكن عدد العملاء لن يغطي نفقات ال3 مطاعم مما قد يؤدي إلى غلق ال3 مطاعم ذهاب ال 100 عميل إلي المطعمين الأكثر تميزاً مما يعني إن المطعمين المميزين سيزيد دخلهم وأرباحهم وسيضطروا للتوسع لاستيعاب العدد الإضافي بينما يغلق ال3 مطاعم الأقل جودة .

- ما سبق مثال مبسط جداً لما نراه أثناء وقت الركود وما بنقدرش نفهمه إن فيه مشاريع بتقفل وفيه مشاريع بتكمل بدون تأثر وفيه مشاريع بتتوسع ولما نقرا الأمثلة دي نفتكر على طول (البرنس) و (كابر) كمطاعم ونفتكر مطاعم كتير قفلت آخر 3 سنين ..... نفتكر على طول في الملابس سلاسل محلات lc waikiki  اللي افتتحت الفرع رقم 15 في مصر في رمضان اللي فات أو Center Point اللي توسعت في مصر آخر 3 سنين ونقارن بينها وبين مئات محلات الملابس اللي بتفتح وبتقفل بعد سنة أو 6 شهور وفي منها بيقفل بعد 15 سنة علشان السوق (الأمثلة دي هنكتب بوستات تفصيلية لشرحها ) .... إيه الفارق بينهم هنلاقي الفارق هو المعرفة أو ال Knowledge اللي إحنا في إعمل بيزنس بنحاول نوصله كل يوم سواء عن طريق الفيس بوك ولما لقينا إن الفيس بوك لا يستوعب كل المادة العلمية عملنا أكاديمية إعمل بيزنس لضمان توصيل المعلومات بشكل أشمل وبصورة أكثر إيضاحاً .

- صدقوني الأمثلة والنماذج الناجحة قابلة للتكرار والموضوع مش معقد ولكن مش بسيط ولكن محتاج تعرف وتفهم إيه اللي بيحصل علشان ما يجيلكش رهب وفزع وتقفل مشروعك وهو ممكن يكمل ويتوسع كمان والحمد لله الجملة دي أكثر جملة سمعتها من متابعين إعمل بيزنس في الأربع سنوات الماضية (أنا كنت بقفل وأصفي مشروعي لكن لما تابعت إعمل بيزنس كملت وتوسعت ) وهو ده قيمة العلم وقوة العلم اللي طبعاً الغرب قدروا يفهموه ويشتغلوا بيه ويكبروا ويتقدموا وعندنا لسه ناس بتؤمن بالفهلوة كأسلوب حياة ولما يخسروا ويضطروا لغلق مشاريعهم يقولوا إن السوق سيء وهو فعلاً السوق سيء ومفيش جاذبية للسوق فالبقاء في السوق هيكون للأكثر ذكاءاً وتميزاً وأصحاب الفهلوة هيخرجوا من السوق آجلاً أو عاجلاً