FB Instagram Twitter Youtube Linkedin اختار شريحتك صح | أكاديمية اعمل بيزنس
 
الرجوع الى المدونة

اختار شريحتك صح

اختار شريحتك صح

لسة مكملين كلام عن المرحلة التانية من التسويق وهى الخطة الاستراتيجية وقلنا أول حاجة بعملها هى الSegmentation  وعرفنا العوامل اللى بسنتخدمها فى اختيار الشريحة واتكلمنا الحلقة اللى فاتت عن تقسيم العملاء لشرائح وشرحنا مثال على شركة نيفيا

هنكمل النهاردة كلامنا عن إختيار وتحديد الشريحة ..

- لازم تكون شريحة نقدر نوصفها ولها نفس الإحتيجات ولازم نسأل نفسنا مجموعة أسئلة :

- هل الشريحة المستهدفة واضحة ؟

- هل يجمعهم تصرفات واحدة وسلوك واحد واحتياجات واحدة أو متشابهة ؟

تعالى نتكلم إيه هى مواصفات أى شريحة مستهدفة .

أولاً إن تكون الشريحة قابلة للقياس يعنى أعرف أقيسها أو أقيس حجم مشترياتها .... يعنى مثلاً لو الشريحه طلعت تمثل 10% من السيدات فى مدينة معينة .... دى كدة شريحة أقدر أقيسها وأقدر أحسب حجم مشترياتها .

ثانياً إن الشريحة تكون كبيرة بحيث أكسب منها .... يعنى كمثال أنا لو عملت منتج بيستهدف شريحة الأجانب المقيمة فى سوهاج مثلاً ممكن يطلعوا 12 واحد !!! فهل دول كشريحة أقدر أستهدفها حتى لو عملت منتج 100% من الشريحة تشتريه ؟؟؟

إنما لو عملت نفس المنتج لنفس الشريحة بس غيرت المكان فأصبح الأجانب المقيمين فى الزمالك مثلاً ممكن يطلعوا 10 ألاف شخص فلو هقدر أوصل ل 20% منهم يبقى هقدر أبيع المنتج لألفين شخص يبقى هكسب منهم كويس .

ثالثاً أن تكون الشريحة يمكن الوصول ليها .... يعنى مثلاً لو أخدنا شريحة زى مثلاً الفنانين المقيمين فى 6 أكتوبر هانلاقيها شريحة قابلة للقياس وكبيرة لكن هقدر أوصلهم ؟؟؟ طبعاً صعب جداً يبقى ماخترش شريحة وأعمل دراساتى عليها وبعدين أكتشف إنى مش هعرف أوصلها فى النهاية