FB Instagram Twitter Youtube Linkedin ازاي تختار شريكك في المشروع ؟ | أكاديمية اعمل بيزنس
 
الرجوع الى المدونة

ازاي تختار شريكك في المشروع ؟

ازاي تختار شريكك في المشروع ؟

 

 
فكرة إن يكون في شريك للمشروع ظهرت لما قابل صاحب المشروع مشاكل وعقبات كتير من بداية المشروع سواء مع الإدارة أو الإنتاج أو العلاقات مع الموردين أو التسويق أو التوزيع .. الخ ؛ وطبعا المشاكل دي فضلت مستمرة مع استمرار المشروع ودا كان بيسبب ضغط وعبئ كبير على صاحب المشروع اللي لقى إنه بيواجة المشاكل دي كلها لوحده وبالتالي بدأ التفكير في شريك يخفف عنه الحمل.
 
مشكلة الشريك إنه ممكن يساعدك فى نجاح مشروعك أو يكون سبب رئيسي في فشل مشروعك الخاص ؛ وبالتالي إختيار الشريك مسألة ؛ واحنا من خلال البوست بنحاول نقدملك مجموعة نصايح لإختيار الشريك المثالي لمشروعك
 
- في مثل مصري شعبي بيقول "صاحبي وصاحبك على القهوة" المثل دا كأنه مرسوم على موضوع الشراكة، لأنك أكيد شوفت شراكات كتير بين أصدقاء وكانت النهاية فشل المشروع أو فك الشراكة مع وجود مشاكل بين الأصدقاء، مبدأ إن يكون صديقك هو شريك دا حاجة كويسة لأن في علاقة ود قديمة بينكم ؛ لكن الصداقة ممكن تبقى نقمة لو تهاونت في حاجة تخص المشروع علشان صديقك ؛ كمان لو صديقك شبهك في تفكيرك فدا حاجة مش مستحبة لأنك محتاج دايماً أفكار جديدة وعين تانية تشوف المشروع وتظهر العيوب اللي إنت مش شايفها ؛ وبالتالي لو قررت ان صديقك يكون شريكك ياريت تسيبوا صداقتكم على باب الشركة وتدخلوا كأنكم مستثمرين هدفكم الوحيد ان المشروع ينجح.
 
- تاني حاجة لو صديقك هيكون شريكك فانت عارف هو أمين قد ايه ؛ لكن لو هتشارك مستثمر حتى لو كان ليه اسم كبير في السوق فلازم تسأل عنه وخاصة لو دخل شراكات قبل كده ؛ لازم تسأل عنه عند شركائه وكمان لو فض شراكة قبل كده مع حد حاول تعرف السبب الحقيقي ،لازم تبذل مجهود علشان تعرف شريك المستقبل واللي هتأتمنة على مشروعك ومالك هو أمين ولا لأ.
 
- اختار الشريك مش المستثمر لأن المستثمر هو بيضخ فلوس في المشروع بس وهدفة هو الربح السريع، إختار الشريك اللي إيده فإيدك وخطوة بخطوة معاك في المشروع 
 
- حاول يكون شريكك صاحب علاقات لإنه هو اللي هيدفعلك المشروع لقدام بسرعة أكبر وهيفتحلك الأبواب المقفولة من خلال التسهيلات اللي يقدر يحصل عليها بفضل علاقاته
 
- لو كنت انت وشريكك أكفاء وأذكيا ومجتهدين وعندكم حماس كبير للمشروع لكن معندكوش خبرة في الإدارة فتأكد إن الشركة هيكون مصيرها الفشل ...
 

شارك المقال :