اصنع سوقك بنفسك

وإنت بتبدأ تصنَع منتجك الجديد أو هتقدم خدمة جديدة هتحتاج تحدد سوقك المستهدف عشان توزع فيه المنتجات دى .. معرفة السوق المستهدف مهم جدًا .. طب تعمل ايه لو كان المنتج بتاعك جديد وملهوش سوق ؟

ده اللى عمله بيل جيتس وصديقه بول ألن لما أسسوا شركة مايكروسوفت لبيع برامج الكومبيوتر سنة 1975 وكان سوقهم المستهدف طبعًا هو الناس اللى بتمتلك أجهزة حاسب شخصى ( كومبيوتر ) .. طبعا عدد الناس اللى بيستخدموا الكومبيوتر فى الوقت ده كان 2000 شخص فقط فى أمريكا

لكن إيمان بيل جيتس وصديقه بالسوق وامتلاكهم لرؤية مستقبلية ونظرة تحليلية لحد كبير وإنه هيتطور لو قدروا يأسسوا التجارة الجديدة دى وبيع المنتجات اللى هيقدموها كان إيمان كبير جدًا .

نقدر نقول كمان إنه امتلك حدس مبكر شوية بشكل السوق اللى هيكون موجود وتنوعه .

باختصار هما صنعوا سوق جديد بابتكار منتجات مكانتش موجودة ومع الوقت بدأ النمو والتوسع والإنتشار نتيجة إيمانهم بمنتجهم وإيمانهم إنهم هما بنفسهم اللى هيوجدوا السوق المناسب ليهم .. نظرية ال first mover و ال second follower .. النتيجة إنه أصبح رائد السوق فى مجال برامج الكومبيوتر لأنه هو وصديقه صنعه السوق ده زى صناعتهم للمنتجات بالظبط .

الشغف وحب الحاجة اللى انت بتعملها هيخلى كل الظروف تصب فى صالحك حتى لو مفيش سوق لفكرتك الجديدة