FB Instagram Twitter Youtube Linkedin إعمل بيزنس السنة الخامسه إلي أين ؟ (1) | أكاديمية اعمل بيزنس
 
الرجوع الى المدونة

إعمل بيزنس السنة الخامسه إلي أين ؟ (1)

إعمل بيزنس السنة الخامسه إلي أين ؟ (1)

1- تعليقي علي بوست (الستات غير) اللي الناس تركت الاستفادة الأصلية من البوست واهتمت أكتر باسم الماركه أحب أكد علي نقطه مهمه وهي إن مشروع إعمل بيزنس هو مشروع تعليمي وغير هادف للربح علشان كده بنرفض أي إعلانات مدفوعة ولانذكر إسم أي ماركة أو براند إلا لو لاقينا إن الإستفادة لن تأتي إلا بذكرها ... ويومياً بيتعرض علينا إعلانات مقابل مادي كبير جداً وبنرفض لدرجة إن فيه شركة عقارات خليجية عرضت علينا الإعلان عن منتجاتها وكانوا بيقولو لينا إنهم فعلاً بيسوقوا لعملائنا عن طريق الدخول علي الأكونتات وعرض الشقق إنبوكس وقدروا يبيعوا بشكل قوي وهما كانوا عايزين إعلان مباشر بدل الإلتفاف بهذا الشكل ولكن ده كان ضد سياسة مشروع إعمل بيزنس إللي حتى الآن مشروع مجاني ولا يقوم بأي إعلانات ولو فرضا هنعلن لمنتج هيكون الإعلان بشكل مباشر وصريح وليس داخل بوست تعليمي وحتى الشكل الصريح مرفوض حتى هذه اللحظة فياريت لو نهتم بالفائدة من وراء أي بوست ومن ضرب الأمثلة وعدم الدخول في تفاصيل ما وراء البوست إلا لو كان السؤال هيترتب عليه فهم للموضوع الموجود في البوست .

2- بمناسبة البدء في السنة الخامسة للمشروع محتاج أوضح نقطة مهمة وهي إننا منذ بدء المشروع ونحن نعلم الناس الإدارة بشكل عام عن طريق بوستات طوية وقصيرة وفيديوهات ونتيجة للطلب من أعضاء الصفحة بدأنا في يناير الماضي مشروع إعمل بيزنس للتعليم بشكل أكثر تخصصاً وأكاديمية إعمل بيزنس هي مشروع مستقل وهو هادف للربح والحمد لله لم يشغلنا مشروع الأكاديمية عن المشروع الأساسي بل بالعكس أي متابع لنا سوف يلاحظ كثافة وإنتظام المحتوي آخر 3 شهور بشكل مختلف عن بداية المشروع من 4 سنوات وبذلك أصبح أي متابع للصفحة سيجد عنده خياران ... المسار الأول متابعة المحتوى العام .... وده عبارة عن :-

- 25 بوست شهري طويل ...

- 90 بوست شهري قصير ...

- 25 فيديو شهريا (بداية من منتصف سبتمبر سيكون ال 25 فيديو جديد كل شهر منها ٤ لايف للرد علي الاسئلة)

- الرد على 500 سؤال أسبوعياً ... كل ده وأكتر بنعملهم من أغسطس 2013 ولكن الحمد لله وبفضل فريق عمل محترف أصبحوا أكثر إحترافية وانتظاماً وتغطية لمجالات أكثر ...

لمتابعي بوستات وفيديوهات التعليم العام بتكون الساعه 10 صباحاً و 2 ظهراً و4 عصراً و8 مساءاً و10 مساءاً...

بينما بوستات التعليم المتخصص بتكون الساعة 12 ظهراً و 6 مساءا

ياريت كل واحد يركز في ما يريد أن يتابعه لأن كل واحد فيكم يهمني بشكل شخصي وأتمنى الإستفادة للجميع ولينا مقال نكمل فيه إن شاء الله وربنا يوفق كل واحد بيتعلم علشان يفيد نفسه أولاً ومجتمعة ثانياً ونكمل إن شاء الله الكلام عن المسار الثاني وباقي تطبيقات إعمل بيزنس