إعمل بيزنس السنة الخامسه إلي أين ؟ (2)

خدمات إعمل بيزنس

- لو محتاجين نقسم الخدمات المقدمة من إعمل بيزنس هنلاقي إن عندنا بشكل أساسي 3 خدمات  ....

أولاً: التعليم ... وزي ماتفقنا في الجزء الأول من البوست إنه إما تعليم عام وهو مجاني مقدم عن طريق البوستات المكتوبة والفيديوهات في قناة اليوتيوب .... أو تعليم متخصص عن طريق أكاديمية إعمل بيزنس ...

ثانياً: خدمة الإستشارات ... ودي مجاناً عن طريق الإجابة علي أسئلة عملاؤنا اللي بتوصل 500 سؤال أسبوعياً وأحياناً الأسئلة بتحتاج تليفون أو مقابله شخصية معايا شخصيا ...وفيه بعض أعضاء الصفحة بيحتاج استشارات متخصصه زي مثلاً إنه يعمل إعادة هيكلة لشركته أو خطة عمل أو دراسة جدوي ودورنا هنا هو ترشيحنا له شخص كفء وأمين للقيام بالاستشارة ومتابعة المستشار والتأكد منه بتقديم استشاره متميزة وبسعر مميز لأننا بنتعامل معاه كصفحه مش كعميل مرة واحدة .

ثالثاً: خدمة التوفيق أو التشبيك Business Matching ودي برضه خدمة مجانية بنقوم بيها عبر موقع موجة دوت كوم www.mooga.com وفيها لو حد محتاج شريك أو عايز يبيع شركته أو بيدور علي مستثمر بيسجل في الموقع وبنعمله إعلان مجاني من خلال الصفحة واللي بتناسبه الفرصة بيتواصل مباشرة مع صاحب الفرصة دون أي تدخل من إدارة إعمل بيزنس ....

رابعاً: فرص ومعارض .... وفيها إن أحد الشركات المنظمة للمعارض أو مقدمة لخدمة معينة أو فرصة استثمارية مفيدة ومناسبة لأعضاء إعمل بيزنس وبيتم الإعلان عنها بعد التأكد من فائدتها للبيزنس ولمتابعي المشروع وبعد كده بيتم التواصل المباشر مع مقدم الخدمة وأعضاء الصفحة وده تم حتى الآن 3 مرات من بداية إنشاء الصفحة

إن شاء الله فيما بعد هابدأ أتكلم عن الخدمات وهتناول كل يوم خدمة وهستعرضها بشكل كامل علشان الناس تقدر تفهم إيه اللي بنقدمه وبنقدمه ليه وكل سنة وانتم طيبين وبخير وسعادة بمناسبة بدء السنه الخامسة في مشروع إعمل بيزنس