FB Instagram Twitter Youtube Linkedin الأسئلة الخادعة في الـ interview | أكاديمية اعمل بيزنس
 
الرجوع الى المدونة

الأسئلة الخادعة في الـ interview

الأسئلة الخادعة في الـ interview

 

 
أكيد عملت قبل كده إنترفيو وجالك سؤال في مظهرة برئ لكن مضمونة مش برئ خالص، اللي بيعمل معاك الإنترفيو بيكون مجهز مجموعة أسئلة علشان يوجهالك ؛ من الأسئلة دي مجموعة أسئلة في شكلها الخارجي تحس إنها سهلة واجابتها بتكون حافظها لكن الحقيقة إنها بتكون أسئلة ملتوية الهدف منها إنه يعرف نقاط ضعفك وقوتك وهل إنت فاهم ولا حافظ. 
 
ممكن تكون شخص ممتاز ومعاك شهادات وكورسات وخبرتك طويلة وكل دا بيأهلك للوظيفة .. لكن الأسئلة اللي بيوجهالك اللي بيعمل معاك المقابلة هى اللي بتحسم الموقف .. هتلاقي أسئلة خادعة زي :
 
1- إيه الإنتقادات اللي كانت بتتوجهلك في شغلك ؟
للأسف بتكون الإجابات العفوية إنك بتنفذ شغلك تمام ومقابلتش إنتقادات قوية، لكن الإجابة دي غير مقبولة وبتقلل من فرصك، خلي إجابتك ذكية زي إن الإنتقاد اللي بيتوجهلك إنك بتاخد وقت طويل شوية علشان تعمل الـ task بتاعك بشكل مظبوط.
 
2- لية سبت شغلك اللي فات ؟
السؤال دا ممكن يتوجهلك لو شاف المحاور في الـ CV بتاعك إنك إشتغلت أكتر من شغلانة في وقت قليل وأول حاجه تيجي في بالة إنك شخص عندك صعوبة في التعامل مع الناس أو ملول، هنا لازم تكون إجابتك دبلوماسية ومفكر فيها كويس ومجهز إجابة مناسبة لإن السؤال ده يعتبر من الأسئلة الحاسمة في قبولك من عدمه.
 
3- مفكرتش إن يكون ليك شغلك الخاص ؟
السؤال دا ممكن يتوجهلك لو كنت صاحب خبرة طويلة وانك مؤهل إن يكون عندك مشروعك الخاص ؛ فبيكون عند المحاور خوف إنك ممكن تشتغل وخلال فترة قصيرة تسيب الوظيفة وساعتها الشركة بتقع في موقف مش ظريف في إنها تدور على بديل ليك بنفس خبرتك وخاصة بعد ما فهمت الشغل واسلوبه عندهم، فحتى لو إنت ليك خطط في المستقبل يكون ليك مشروعك الخاص خلي إجابتك للسؤال ده دبلوماسية وميكونش فيها حماس وتطمنة إنك في حالة وجود مشروع خاص هيكون فية فترة كافية إنهم يلاقوا بديل.
 
4- إيه أكتر حاجة كانت بتضايقك في شغلك القديم ؟
السؤال دا واضح إنه ملتوي لأنه عاوز يعرف شخصيتك ومدى تقبلك لزمايلك ومديرينك، أفضل إجابة للسؤال ده هو "مفيش حاجة مضايقاني" لأن الإجابة دي هتوضح إنك قادرعلى العمل تحت أي ضغط.
 
كده إحنا وضحنالك أشهر الأسئلة الملتوية في الإنترفيو، لكن لو إنت مش متمكن في المجال بتاعك حتى لو جاوبت إجابات نموذجية مش هتتقبل في الوظيفة .. وهنا بيجي دورنا إننا نساعدك إنك تكون مؤهل من خلال أكتر من 60 كورس متنوع في مجال الإدارة زي التخطيط، إدارة المشاريع، التسويق، المبيعات، خدمة العملاء، الشحن والنقل، التصدير ..الخ