FB Instagram Twitter Youtube Linkedin البيزنس و ... مقدمة | أكاديمية اعمل بيزنس
 
الرجوع الى المدونة

البيزنس و ... مقدمة

البيزنس و ... مقدمة

عمرك سألت نفسك انت ليه اخترت شركة اتصالات معينة في حين ان في شركتين تانيين تقريباً بيقدموا نفس الخدمة بنفس الأسعار، أو ليه اشتريت تليفزيون معين على الرغم من ان في أكثر من نوع بنفس السعر والمواصفات، أو حتى ليه اخترت لأولادك مدرسة معينة .

السبب الحقيقي ورا قرارك هو مجموعة من العوامل اللي قدرت تنقلك قيمة اختيارك والفائدة اللي هتعود عليك من ورا المنتج والشركات بتعمل ده من خلال تطبيقها لمفاهيم العلوم الإدارية، طب ايه هي العلوم الإدارية ؟

العلوم الإدارية هي مجموعة الدراسات المتعلقة بأقسام الإدارة زي الموارد البشرية والتسويق والمبيعات والحسابات وإدارة الجودة وغيرها من أقسام الإدارة الأخرى، طب هيحصل ايه لو طبقناها على البيزنس بتاعنا ؟

تعالوا نشرحها بمثال دلوقتى انت عندك محلين فول كل واحد ليه مالك مختلف عن التاني، صاحب المحل الأول درس علوم الإدارة واقتنع بالكلام وعين واحد متخصص في الموارد البشرية مسئوليته أن هو اللي يختار العمال المناسبين ويتأكد أن محدش منهم بيزوع ويبقى عندوا حلول لو حد غاب منهم ويقبضهم أخر الشهر، وعيّن واحد متخصص في التسويق مهمته انه يعمل حملات دعاية في الشارع وحملات تسويق إلكتروني عشان يعرف الناس بالمكان، وعين واحد متخصص في مبيعات الأغذية اللي كانت مهمتة انه يزور الشركات ويعرض عليهم خدمة توصيل الطلبات للمكاتب .

وبالنسبة لصاحب المحل الثاني فقرر يعتمد على العمال اللي معاه، وبعد مرور 6 أشهر المحل الأول بقى ليه فرع جديد أكبر وأوسع فيه مطعم مكيف والبيزنس كبر اللي كان بدوره زود الإيرادات والأرباح، وبالنسبة للمحل التاني فصاحبه كان بيعانى مع العمال اللي بييجوا يوم أه و عشرة لأ غير أن الإيراد كان قليل وبيكفى تكاليف الإيجار بالعافية، وهو ده هيكون موضوعنا في سلسلة مقالات "البيزنس و..." واللي هتناقش نماذج لشركات مصرية وعالمية قدرت بتطبيق مفاهيم علوم الإدارة انها تحقق نجاح، اكتبوا آراءكم واحكولنا عن نماذج انتوا شفتوها قدرت تنجح بسبب تطبيق العلوم الإدارية

شارك المقال :