FB Instagram Twitter Youtube Linkedin البيع فن وأمانه | أكاديمية اعمل بيزنس
 
الرجوع الى المدونة

البيع فن وأمانه

البيع فن وأمانه

لي صديق بعد التخرج إشتغل بائع في منفذ بيع تابع لهيئة كبري بتبيع منتجات حيوانية وزراعية ...المهم إنه بعد ما اشتغل في المكان إكتشف إن فيه بعض المنتجات المغشوشة بين المنتجات السليمة وإن كل العاملين في المكان بيبقوا عارفين إيه المنتج السليم وإيه المنتج الغير سليم لكن لأن كل الناس عندها تارجت وقدرة العميل علي إكتشاف الفرق شبه معدومة فالكل كان بيبيع علشان يحقق وهو رفض إنه يكمل بنفس الطريقة وبدأ إنه وهو بيبيع ينبه العملاء إن ده منتج سليم فممكن تشتري منه وده منتج غير أصلي فأجل شرائك أو اشتري من مكان تاني ...

- صديقي فوجيء إنه أصبح بيحقق مبيعات أقل ما يقال عنها إنها هائلة لأن الناس عرفته ووثقت فيه وبدأت تشتري في وجوده ولما يقول لهم علي منتج إنه سليم العميل بيشتري له ولعيلته ولأصدقاؤه بكميات كبيرة جداً لدرجة إن الناس بدأت تحجز معاه منتجات سوف يتم استلامها لنزاهته وطبعاً هو أصبح بيدخله دخل خرافي نتيجة إنه بيعمل مبيعات ضخمة وبياخد عليها عمولات كبيرة وعدت التارجت بكتير جداً :)

- أنا بحكي الحكاية دي علشان فيه ناس كتير لازالت مقتنعه إن البيع عبارة عن نصب أو ضحك علي الزبون ولسه مش قادرين يدركوا إن البائع الأمين هو اللي بيكسب فلوس كبيرة في النهاية ....ممكن في البداية يبيع أقل لكن علي المدي البعيد هو الكسبان ...

- تخيل إنك بائع أمين وكل يوم بتتعرف علي عميل وبيثق فيك سواء اشترى أو لم يشتري ...بعد 10 سنين هيبقي عندك 2000 عميل بيثقوا فيك تقدر تبيع لهم أي سلعة إنت بتسوقها ولو انت بائع غير أمين أول سنة هتبيع كل يوم لعميل وهتكسب أول سنة فلوس كتير إنما بعد 10 سنين مش هتلاقي حد تبيع له .

- البيع فن وأمانه وثقة قبل الشطارة والمهاره :) وربنا يوفق ويسهل للكل