FB Instagram Twitter Youtube Linkedin التعليم في الصغر كالنقش على الحجر | أكاديمية اعمل بيزنس
 
الرجوع الى المدونة

التعليم في الصغر كالنقش على الحجر

التعليم في الصغر كالنقش على الحجر

 دايماً بنسمع مقولة "التعليم في الصغر كالنقش على الحجر" وبنرددها وخلاص زي كتير من المقولات المعروفة من زمان، ولكن اتضح إن المقولة دي صحيحة بنسبة 100% و ليها اساس علمي كمان، وبيتم تطبيق المقولة دي على هيئة "برامج للتعليم في مرحلة الطفولة المبكرة" في بلاد كتير.

 برامج التعليم فى الصغر دي بيكون هدفها الأساسي هي تهيئة الطفل مش بس للتعليم، لا كمان صحياً ونفسياً وسلوكياً.

التعليم في الصغر كالنقش على الحجر، هل المقولة دي عملية فعلًا؟

 فى كتير من الجمل والعبارات اللى نرددها بناء على العادة أو المخزون المعرفى اللى محفوظ فى دماغنا، لكن فى الواقع كتير من العبارات ي بتكون أسطورية وملهاش علاقة بالواقع. مقولة التعليم في الصغر كالنقش على الحجر، مش بتتصنف لنوع ده من العبارات نهائى؛ وده بيرجع أن التطبيق العملى ليها أثبت إنها بذرة كل ما بيتم زرعها فى الطفل من سن مبكر، كل ما كانت الثمرة فى شبابه أكثر إنتاجية وثبات من الناحية النفسية والعملية.

ليه التعليم فى الصغر مهم؟   

ليه التعليم فى الصغر مهم كده للأطفال ؟!

 

الأبحاث أظهرت أن التعليم في مرحلة الطفولة المبكرة من أفضل الطرق لمساعدة طفلك على تنمية مهاراته العلمية والإجتماعية والعاطفية والإدراكية اللي بيحتاجها للتحضير للمدرسة الابتدائية وما بعدها، لان في أكتر من مليون اتصال عصبي جديد بيتشكل كل ثانية عند الطفل و الارتباطات العصبية دي بتكون مسؤولة عن عملية الإدراك عند الطفل، علشان كده لازم تستغل فترة نمو طفلك في عملية تطوير الإدراك عنده. 

 طب إيه إللي هيعود على الطفل لما يمارس التعليم في مرحلة الطفولة المبكرة ؟

أهمية التعليم فى الصغر بالنسبة لشخصية الطفل

 

 التعليم فى الصغر بياثر على بناء شخصية الفعل وتكوين نمط سلوكياته، فعن طريقه ممكن الحصول على:

 

1- شخص إجتماعي.

التعليم المبكر واحتكاك الطفل مع أشخاص خارج الأسره هيساعد الطفل على المدى البعيد إنه يكون شخص إجتماعي ويعرف يتعاون مع أشخاص خارج عائلته، ده غير إنه هيكسر حاجز الخجل والخوف عنده ويخلي عنده ثقة بالنفس.

 

2-طفل متعاون.

هيتعلم انه يكون متعاون ويشارك في كل حاجة، وده هيخليه طفل مش أناني ومحب للعمل الجماعي.

 

3- إستغلال فضول الطفل.

الأطفال في بداية سنهم بيكون عندهم حب فضول وبيكونوا عايزين يكتشفوا كل حاجة، وبالتالي هيكتشف تجارب جديدة وبيئات جديدة وأصدقاء جدد.

 

4- العمل الجماعي.

من خلال مشاركة الطفل في أنشطة مختلفة ده هيتعود إنه يشتغل في فريق عمل كامل ويشارك ومحب للعمل الجماعي. 

 

5-أداء أفضل في التعليم. 

كل ما كان الطفل بيمارس التعليم والأنشطة قبل التحاقه بالتعليم الأساسي ده بيساعد في انه يكون اداءه جيد في المراحل الاولى من التعليم والمراحل الاخرى، لانه بيكون عنده قدر الى حد ما من المعلومات ده غير انه بيكون واخد على جو الدراسة. 

 

6-مستقبل ناجح.

من فوائد التعليم في مرحلة الطفولة المبكرة انها بتأثر على مستقبل الطفل بالإيجاب، في دراسة اتعملت في أمريكا أن البالغين اللي حصلوا على شهادات مرتفعة كانوا مشتركين في البرامج الخاصة لتعليم الأطفال في سن مبكر في حين إن الأطفال إللي مكنش ليهم أي ممارسة قبل كان مستواهم قليل جداً.

 

وفى النهاية نحب ننصح كل الأباء والأمهات أنهم يستثمروا فى ولادهم علشان مستقبلهم ما يبقاش تقليدى،

علموا ولادكم يبقى عندهم رؤية مستقبلية وقدرة على التخطيط وعلموهم يعرفوا ياخدوا قرارات كبيرة ويشيلوا المسئولية.

 

علموهم ان العلم وسيلة والشهادة قد تكون دليل على جودة العملية التعليمية ولكنها مش دايماً دليل على جودة صاحب الشهادة ومش هدف في حد ذاتها فيه ناس بتقعد تتعلم طول عمرها خوفاً من مواجهة الحياة العملية.

 

علموهم يشتغلوا من صغرهم، يكسبوا ويخسروا ويتعبوا. لما يدخلوا الجامعة يشتغلوا ويصرفوا على نفسهم أو على الأقل يتحملوا جزء من مصاريفهم. بالإضافة لمشاركتهم في مسئوليات البيت فيه ناس وصلوا لسن الأربعين ومش عارفين يتحملوا المسئولية لأنهم متربوش عليها.

 

علموهم الفكر الريادي (Entrepreneurship)، خلوهم يفكروا طول الوقت في تحسين كل حاجة حواليهم، يفكروا في مشاريع صغيرة ويبدأوا فيها يحولوا أفكارهم بسرعة لمشروعات على أرض الواقع وما يعيشوش في الاحلام ولو باظت فكرة يقوموا بسرعة ويحاولوا تاني.

 

 

شارك المقال :