LG .. هى واحدة من أكبر الشركات المتعددة الجنسيات ومقرها فى كوريا الجنوبية تحديداً فى أبراج LG فى "يواويدو دونج" .. LG هى رقم واحد فى إنتاج الإليكترونيات والمواد الكيميائية وتكنولوجيا الإتصالات ده غير ان فى كتير من الشركات تابعة ليها زى شركة "زينيث" واللى متواجدة فى أكتر من 80 بلد فى العالم .

"كون اين هوى" هو مؤسس الشركة .. LG متواجدة فى جميع أنحاء العالم وهى من نوعية الشركات القابضة ولها شعبية كبيرة ودايماً بتكون فى مقدمة الاختيارات للجمهور فى مجالات الإتصالات والطاقة الشمسية والإليكترونيات .. ده غير إن عدد الموظفين الموجودين فى LG وصل إلى 220000 موظف .

LG هى أول شركة دخلت صناعة البلاستيك لكوريا الجنوبية ومع دخول الصناعة دى لكوريا الجنوبية تم إنشاء شركة Goldstar سنة 1958 وكان أول منتج تم إنتاجه هو الراديوده غير العديد من المنتجات التانية اللى تم انتاجها من شركة Luckyy .

اشتهرت شركة Lucky بمنتجات المنظفات والصابون وبعض المنتجات دى مستمرة فى السوق الكورى لغاية النهاردة وفى سنة 1995 تم تغيير اسم الشركة والشعار بتاعها علشان يبقى Life is Good .. الحياة حلوة

LG دخلت فى شراكات مع شركات كبيرة زى "فيليبس" فى 2001 وأنتجت شاشات LG LCD وشاشات فيليبس LCD .. ده غير ان تحت شركة LG أكتر من 40 شركة فى مجال الالكترونيات والاتصالات والأجهزة المنزلية الرقمية والإلكترونية والهواتف المحمولة وشاشات LCD وتشمل الصناعات الكيماوية ومستحضرات التجميل، والبطاريات القابلة لإعادة الشحن والمنسوجات الصناعية.

شركة LG كمان داخلة فى صناعة عبوات الكوكاكولا الزجاج وكمان داخلة فى مجال العقارات وشركات الإدارة والإستشارات ده غير كمان ملكية LG لبعض الأندية الرياضية ( مفيش حاجة مش شغالة فيها )

ده غير بقى رعايتها لبعض المناسبات الرياضية العالمية زى رعايتها للفورمولا وان وكوبا امريكا والاتحاد الدولى للكريكيت وكاس العالم للجليد .

دى مش مجرد شركة عالمية .. دى امبراطورية بستعى من خلالها LG لنقل مفهوم متعة الحياة لكل عملائها