الصراحة راحة

في موقف حصل مع واحد من عملائنا بيحكيلنا إنه كان رايح مطعم مع زوجتة وأولاده ؛ وإنه إختار المطعم ده بنائا على كمية الإعلانات اللي شافوها سواء في التليفزيون أو الإنترنت، المفاجأة في الموضوع ده إن الحاجه الوحيده الحقيقيه في الإعلانات دي هى المطعم نفسه يعني شكل الطرابيزات والكراسي ؛ لكن الأكل ملوش علاقه بالإعلانات لا من قريب ولا من بعيد ؛ حتى شكل ال decoration للأكل على الأطباق مايفتحش النفس ؛ مابالك بالطعم .

الموقف ده فكرنا ب"جيب نيويل - Gabe Newell" وهو واحد من أنجح رجال الأعمال في العصر الحديث واللي إشتغل في مايكروسوفت لمدة عقد كامل على أغلب أنظمة تشغيل الويندوز ؛ ودلوقتي هو رئيس شركة "Valve Corporation" لتطوير ألعاب الفيديو واللي قدم بعض من أنجح الألعاب زي "Half-Life 2"، "جيب" في مقابلة سنة 2015 طلب منه المحاور إنه يدي نصيحة لرجال الأعمال وخاصة الناشئين .. فقال "من الأشياء التي تعلمناها في وقت مبكر جدًا هو ألا تحاول أبدًا أبدًا الكذب لأنهم سيكتشفون، وسيقلبون الطاولة عليك وسيتذكرون كل ما قلته إلى الأبد"

حقيقة إنك تعمل دعايه للمنتج بتاعك على صورتة الحقيقية بدون التجميل اللي بيغير شكله ومواصفاته دا مش عيب ؛ بل هيكون ميزة ليك لما توضح إن دي صور المنتج من على أرض الواقع ؛ لأن العميل المحتمل لما يجي يعمل مقارنة بينك وبين منافسينك ساعتها هيبقى عامل زي ماكينة فصل القمح عن القش ؛ وقتها هيعرف مين الحقيقي ومين اللي fake

من الأمثلة الإيجابية اللي شفناها في موضوع الصدق شركة تأجير السيارات "Avis" اللي بتعترف بحقيقة إنها دايمًا في المركز الثاني من ناحية حصتها في السوق ؛ واللي إستغلت الموضوع ده من خلال شعارها "نحن رقم اثنين - نحن نحاول بجد"، وكمان "ستيف جوبز" لما إتكلم عن الفشل الهائل اللي واجه مشروع "أبل نيوتن".

تعالى في المقابل شوف كمية الكذب في تقديم دعايه لمنتجات بحيث يتم تجميلها بشكل يختلف تماما عن الواقع ؛ وخد من ده امثله كتير بدايه من الشركات الغذائية وخاصة مطاعم ال fast food أو شركات القرى السياحية والعقارات، وأخر حاجه شوفناها إعلانات كحك وبسكويت العيد واللي بتقدم شكل المنتجات تحفه وتلاقي الإعلان بيأكد عليك إنك هتحس بفرحة العيد من طعم منتجاتهم ؛ لكن الحقيقة إن منتجاتهم لا شكل ولا طعم وإن شوية الكحك والبسكويت اللي والدتك بتعملهم أحلى مليون مرة منهم .

طيب خلينا نلخص الوضع لو إنت كذبت على عميل وهو عرف ؟

الصدق والشفافية هو تكتيك من تكتيكات إدارة البيزنس بنجاح، وده اللي إحنا بنقدمهولك في أكاديمية إعمل بيزنس مجموعة من الكورسات والندوات وورش العمل وملخصات الكتب اللي من خلالهم بتتعلم إزاي تدير البيزنس بتاعك وإزي تتطوره وتكتيكات الخروج من مرحلة الثبات لمرحلة تحقيق الارباح .