FB Instagram Twitter Youtube Linkedin العدل | أكاديمية اعمل بيزنس
 
الرجوع الى المدونة

العدل

العدل

فيريرا المدير الفني لنادي الزمالك إختار أحمد الشناوي حارس مرمي الزمالك كأحسن لاعب في مصر لسنة 2015...وبعد إنتهاء الدوري طلب الحارس أجازة قضاها في أسبانيا ورفض السفر للعب مباره مع نادي ليوبار بحجة إنه خايف علي حياته وطبعا لما رجع كان زمايله المنتظمين في التدريبات أجهز منه ....المهم إن فيريرا اللي شايف إن الشناوي أفضل لاعب في مصر أعطي الفرصه للأجهز رغم إعتراض الكثيرين ورغم أهمية المباره وبصرف النظر عن نتيجة المباراه إنما إحنا نستفيد إيه ؟؟؟

-هو كده بعت رساله لكل نجم من نجوم الفريق إنه لازم يبذل أقصي ماعنده علشان يحتفظ بمكانه .

-وبرضه بعت رساله لكل لاعب مبيلعبش إن الطريق الوحيد للعب هو بذل مجهود وعرق في التمرين .

 -وبكده يضمن إن كل أعضاء فرييق العمل هايبذل أقصي ماعنده علشان ده هو الطريق الوحيد للعب مع الفريق .

 -طبعا كل ده ناتج التفكير الغربي للإداره واللي بيعتمد علي العدل وإعطاء الفرصه للجميع واللي شفناه برضه كتير مع جوزيه اللي يعتبر من نفس المدرسه الغربيه في الإدارة وعندي له مواقف كتير بالمعني ده 

 أي حد بيدير فريق لازم يرسخ فكرة العدل جوا الفريق اللي بيديره علشان يخرج كل اللي عندهم وعلشان ياخد منهم شغل ....غير كده هاياخد مجاملات وكلام حلو وخدمات بس مش هاياخد شغل ومش هايححق نتايج زي أي مؤسسه عربيه ماشيه بالحب 

-لو انت بتدير فريق أو بتشتغل جوا فريق ياريت تشغلهم بالعدل مش بالحب  وإن كان الحب جزء من الإداره بس مش هو معيار التقييم