عمرك سألت نفسك ليه مشاريع فكرتها هايلة ما بتكملش؟! الإجابة هتبقي كلمة واحدة "التسويق"!

كتير من أصحاب المشروعات دى رفضوا يستخدموا أنواع مختلفة من التسويق ومنها التسويق من خلال مواقع التواصل الإجتماعى أو الـ Social Media Marketing، وسبب رفضهم هو عدم إقتناعهم بيه.

مهما حاولت إقناعهم بأهمية التسويق الإلكترونى ووجود الكتير من المستخدمين أونلاين وسهولة الوصول ليهم وإستهدافهم بيفضلوا مقتنعين انه كلام فارغ! وللأسف اي حد ماشي بالمبدأ ده فهو مش قادر يواكب العصر ويفهم أن إحنا دلوقتي في زمن الإنترنت، وان ناس كتير جداً بتكسب منه، والدليل على كده ان حجم التجارة الإلكترونية في الشرق الاوسط حوالي 4.9 مليار دولار، ومن المتوقع وصولها الى 10 مليار دولار في خلال سنة.

ليه لازم تسوق لمشروعك عن طريق الـSocial Media ؟

1- هتوصل لعملائك في أى مكان في العالم بكل سهولة.

2- بتقدر تعمل Awareness للبراند بتاعك والناس تعرفك وتعرف أكتر عن منتجك وتشوف التعليقات الخاصة بيه…وبمجرد ما الناس هتعرف منتجك هيبقي فى عملاء كتير محتملين و منتظرين يجربوا منتجكك بمجرد ما هيبقوا محتاجين ليه.

3- تواجدك أونلاين بيخليك تقدر تفهم عملائك صح وتساعدهم بالطريقة اللى هما محتاجينها، لأنك بتعرف كويس إيه اللي عاجبهم في منتجك وايه اللي مش عاجبهم، وبالتالي بتقدر تفهم كويس طبيعة العملاء بتوعك.

4- بتقدر توصل للـ Target Audience للمنتج بتاعك أو الخدمة اللي بتقدمها في أي مكان العالم، مش مقتصر بس على العملاء الموجودين في منطقتك أو بلدك.

5- تكلفة الدعاية الإعلانية تعتبر قليلة مقارنة بطرق التسويق التانية، وبتقدر من خلال الإعلانات دي تحدد العملاء اللي انت عايزهم بناء على أختيارات كتير زي تحديد السن، التعليم، الوظيفة، الاهتمامات ، وغيرهم من الاختيارات اللي بتساعدك توصل للعملاء المستهدفين صح.

ده غير مميزات تانية كتير هنتكلم عنها فى المرات اللى جاية تخيل كده لما يكون عدد مستخدمي الإنترنت اكتر من 4 مليار شخص، 75 %منهم بيقوموا بزيارة مواقع التجارة الإلكترونية زي جوميا وسوق دوت كوم و أمازون وعلى بابا و بياخدوا قرار الشراء من خلال الإنترنت بالإضافة لوجود اكتر من 3 مليار شخص بيستخدموا مواقع التواصل الإجتماعي زي الفيسبوك وتويتر وانستجرام وانت تقول لا مش مهم وماتستغلش الإعداد دي كلها للبيزنس بتاعك من خلال تقديم خدمة مناسبة ليهم ومحتوى يجذبهم للبراند بتاعك.