ما هو مفهوم الـ Smarketing
واحنا بنتابع آخر ما وصل إليه علم التسويق استوقفنا مصطلح جديد هو الـ Smarketing

وهو باختصار عملية البيع الـ Sales + عملية التسويق الـ Marketing.

ما هو الفرق بين الـ sales و الـ Marketing

فى اختلاط فى المفهوم عند أغلب الناس بين الـ sales و الـ Marketing. يعنى لو قلت لحد إنك شغال فى التسويق هتلاقيه بيقولك بعفوية يعنى مندوب مبيعات يعنى . الموقف بيحصل كتير لكن خلينا نقول ببساطة إن التسويق هو اللى بيمهد الطريق عشان يتم البيع أو يقدر يعمل Close لل Deall .. متخصصون التسويق بيبذلوا مجهود عشان يستهدفوا الشريحة اللى متخصص البيع هيقدر يبيع لها صح .. طيب يعنى الاتنين فى الآخر مش حاجة واحدة التسويق حاجة والبيع حاجة تانية.

طب نيجى بقى لمفهوم جديد بدأ فى الظهور وهو الـ smarketing، يعنى ال Sales + ال Marketing وده أحد المفاهيم المعمول بيها حاليًا .. يعنى اجتماع ممثلى البيع والتسويق والعمل مع بعض تحت إدارة واحدة بهدف زيادة الدخل والأرباح لأى شركة أو منظمة.

ما هي الميزة من عمل الـ sales و الـ Marketing

الأرقام بتقول إن شغل مسئولين الـ sales والـ marketing مع بعض بيزود دخل أى شركة 20% .

طريقة عمل تيم الـ sales و الـ Marketing ؟

يشتغلوا مع بعض عن طريق استفادة كل فريق من الـ data الموجودة مع الفريق الثاني وتزويده بالمعلومات اللازمة عن طبيعة وسلوك العملاء الشرائى ولازم الفريقين يحطوا أهدافهم مع بعض بشفافية تامة واللى فى الآخر هتكون أهداف الشركة أو المؤسسة ككل ويفضل كمان إن الأهداف دى تكون موثقة و بيسموها ( SLA ) أو ال Service level agreement

التقارير اللى بتتعمل من الفريقين تكون واحدة أو كل تقرير بيكمل التانى لأن الأهداف زى ما قلنا فى النقطة اللى فاتت هى أهداف واحدة .

أحد أشكال التعاون بين الفريقين هو إجتماع الفريقين مرة كل نهاية أسبوع لمناقشة التطورات وتحقيق الأهداف المشتركة ووضع خطط جديدة أو مناقشة المشاكل اللى بتواجه كل فريق والأغرب من كده هو مكان العمل نفسه .. بمعنى إن ممكن فريق التسويق يقعد يشتغل مع فريق المبيعات فى مكان واحد بالمعنى الحرفي للكلمة لتحقيق التجانس مع بعض نتيجة الأهداف الموحدة بينهم

الموضوع بيرجع فى الآخر للبيانات اللى كل فريق يمتلكها وإزاي يوظفها فى خدمة الشركة أو المؤسسة ككل بس بإلتزام كامل من كل طرف بتحقيق التعاون ده.