FB Instagram Twitter Youtube Linkedin
إعمل بيزنس... حيث تحقق أهدافك المهنية عبر تدريب سهل وفعال!
تم النشر في August 28, 2022

تجربة ريمون مع بحوث التسويق

كيف يمكنك إنشاء عروض تقديمية مقنعة تبهر زملائك وتثير إعجاب مديريك؟ اكتشف ذلك من خلال دليلنا المتعمق حول العروض التقديمية لتجربة المستخدم.

تجربة ريمون مع بحوث التسويق

لأننا فى كل المقالات اللى شرحنا فيها التسويق كنا بنركز على أهمية "بحوث التسويق" وشرحنا انها عملية مستمرة فى كل المراحل ..

هننشر النهاردة رسالة من صديق صفحتنا على الفيس بوك "ريمون" وتجربته مع موضوع "بحوث التسويق" فى الشركة اللى شغال فيها خارج مصر .. هنسيب ريمون يحكيلنا قصة الشركة مع "بحوث التسويق" كانت عاملة ازاى ..

======================================

موضوع أهمية دراسة السوق واحتياجات العميل .. عندي تجربة شخصية حصلت فى شغلى ..

أنا شغال فى شركة فى نيجيريا .. ليها مجموعة مصانع بتنتج بسكوت ومنتجات غذائية تانية .

ومن وقت للتانى بتنزل منتجات جديدة تنشط بيها السوق، وممكن توقف انتاح منتج لو مش شغال كويس .

المهم من فترة قرروا ينزلوا نوع جديد من البسكوت، مفيهوش أى حاجة مميزة عبارة عن دقيق وميه وزيت خفيف ومفيهوش حتى فلافور .. وطبعاً سعره رخيص لأنه مفيش أى تكلفة .

الفكرة كانت مرفوضة ومنتقدة من معظم المهندسين .. معظمنا أجمع إنه صعب جداً حد يشترى بسكوت ملوش طعم حتى لو رخيص .

لكن المفاجأة انه المنتج ده أصبح من الأكثر مبيعات من منتجاتنا كلها، " ما بتقلش عن نص مليون كرتونة مبيعات فى الشهر "

والسبب ان العيش فى نيجيريا غالى ومش مدعم زى مصر

ولأنه دارس السوق واحتيجات الناس كويس فركز على نقطة إن الناس ممكن تستخدم البسكوت كبديل للعيش .. وده اللى حصل فعلاً فانتشر جداً خصوصاً فى الطبقات المتوسطة .. فاستخدموه فى الفطار مع الشاى .

=========================================

انتهت رسالة "ريمون" وطبعاً أهمية بحوث التسويق واضحة جداً ونحب نفتح باب المناقشة معاكم لو فى تجارب مشابهة وربنا يوفق الجميع

]