FB Instagram Twitter Youtube Linkedin
920033973
16342
  • المدونة
  • إعمل بيزنس ع السوشيال ميديا
  • تطبيقات مهمة للبزنس
article

تطبيقات مهمة للبزنس

November 08, 2022    

تطبيقات مهمة للبزنس.. على موبايل أي رائد أعمال

من الذكاء اللي لازم يتمتع بيه أي رائد أعمال هو استغلال الموارد المتاحة حوليه بشكل أمثل، خصوصًا رواد الأعمال اللي لسه بيبدأو طريقهم في مجال البزنس لأن موارد أي مشروع ناشئ في البداية بتكون محدود؛ وبالتالي يجب استغلالها وتوظيفها بعناية.

والتكنولوجيا وفرتلنا آليات كتير نقدر نستغلها في البزنس بتاعنا، وأحد أهم الآليات دي هي التطبيقات الإلكترونية في مجال البزنس والأعمال، واللي ممكن نعتبرها موارد إضافية ممكن يستخدمها أي رائد أعمال وتغنيه عن عشرات الموظفين، وكمان يقدر يتسغلها في إدارة وتطوير البزنس وتنظيم وقته بشكل فعال وبأقل مجهود ومن أهم التطبيقات دي:

1. تطبيق Mint: وده تطبيق مجاني للإدارة المالية، لو كنت صاحب مشروع ناشئ فالتطبيق ده هيساعد تدير ميزانيتك وتاخد قرارات مالية أفضل، وكمان بيتيح ميزة مهمة وهي تتبع الحسابات البنكية وبطاقات الائتمان والاستثمار وأرصدة القروض والمعاملات، بالإضافة إنه بيساعدك تراجع فواتيرك واستثماراتك وده بيخليك على دراية بوضعك المالي وعارف كويس انت بتصرف إيه، كمان ممكن تستخدمه في إنشاء الميزانيات وتحديد أهدافك المالية.

2. تطبيق Trello: وده من التطبيقات اللي هتساعدك لو بتدير فريق عن بعد؛ وده مفيد لبعض أصحاب المشاريع الناشئة اللي مش بيكون عندهم القدرة على تعيين فريق بدوام كامل في البداية لخفض النفقات، والتطبيق ده عبقري بمعني الكلمة لأنه بمثابة بيئة عمل أونلاين بتقدر تضيف فيها المهام وتصنفها من حيث الأهمية وتخصصها لكل واحد من فريقك، وتحدد المواعيد النهائية لكل مهمة وتتابع مدى التقدم فيها.

3. تطبيق Lever: لو كنت صاحب مشروع ناشئ وانت اللي بتتابع عملية التوظيف في البداية فالتطبيق ده هيساعدك على اختيار الموظفين بسهولة من خلال إدارة رسائل البريد الإكتروني وتحديد مقابلات العمل وتتبع الـ CV لكل مرشح، وكمان فيه ميزة اتصال ما بينه وبين منصة لينكد إن فبيخليك تتابع ملفات المتقدمين للوظيفة وتقيمهم بسهولة.

4. تطبيق Flipboard: وده تطبيق مهم جدًا لأصحاب المشاريع؛ لأنه بيخليك تتابع كل الأخبار المتعلقة بالبزنس بتاعك على الإنترنت أول بأول، وبالتالي بتكون على دراية بتطورات السوق حولين الخدمة أو المنتج اللي بتقدمه، والميزة في التطبيق ده إنه بيجمع المحتوى من مواقع الأخبار أو مواقع الويب بشكل عام وكمان من مواقع التواصل زي فيس بوك وتوتير وانستجرام وغيرهم، وبيعرضلك على هيئة مجلة.

5. تطبيق Wunderlist: وده من التطبيقات المهمة في إدارة البزنس لأنه بيساعد أصحاب المشاريع على إدارة شغلهم عن طريق الهاتف أو الكمبيوتر أو الساعات الذكية، وده بيتم عن طريق إضافة المهام وتخطيطها، وكمان بيتيح ليهم ميزة مشاركة المهام دي بسهولة مع الموظفين وإجراء محادثات حوليها.

6. تطبيق Contactualy: أي رائد أعمال بتكون في الأغلب اتصالاته بتكون كتيرة وبيكون من ضمنها مكالمات مهمة بيحتاج يسترجع المعلومات اللي فيها بعد فترة، عشان كده التطبيق ده هيساعدك على تسجيل وأرشفة المكالمات بتاعتك كلها، وكمان من المميزات اللي بينفرد بيها التطبيق ده إنك تقدر تخليه متصل ببريدك الإلكتروني وبرامج المحادثات بتاعتك كلها وبالتالي بيكون زي سكرتيرة مسؤولة عن كل الاتصالات بتاعتك.

7. تطبيق Business card reader by shape: لو كنت بتقابل عملاء كتير وبتحتاج تحتفظ ببيانتهم زي الكروت الشخصية، فالتطبيق ده هيسهل عليك كتير اوي لأنك هتقدر من خلاله تعمل مسح ضوئي Scan لكل بيانات العميل وتسجلها في جهات الاتصال في أماكن تخزين المعلومات في تليفونك، وبالتالي مش هتكون محتاج إنك تحتفظ بكم الكروت دي كلها، وفي نفس الوقت هتقدر تسترجع أي بيانات انت عايزاها عن العميل من تليفونك.

8. تطبيق Any.Do : وده من التطبيقات المفيدة لرواد الاعمال؛ لأنه بيساعدهم على تخطيط المهام بتاعتهم وكمان بيتيح ميزة سهلة وهي إنك تقدر تضيف المهام عن طريق الصوت أو الكتابة، وكمان تقدر تشارك المهام دي مع جهات اتصالك على السوشيال ميديا، ده غير إنه فيه أوبشن التنبيهات على المهام.

9. تطبيق security 360: رواد الاعمال دلوقتي بيلجأوا لاستخدام الموبايلات لإضافة ملفات مهمة متعلقة بشغلهم؛ وده نظرًا لوجودها معاهم طول الوقت فالموضوع بيكون سهل بالنسبالهم، عشان كده التطبيق ده هيساعدك تفلتر الملفات دي وتصنف الملفات المهم منها وتمسح باقي الملفات ملهاش لازمه، وكمان بيوفر حماية للملفات بتاعتك؛ لإنه مضاد للفيروسات.

10. تطبيق سي إم سكيورتي CM Security: وده أنا نقدر نسميه التطبيق الفاضح لأنه مزود بخاصية للتعرف على أي شخص حاول يمسك تليفونك ويتجسس عليك أو يفتح ملفات ما في حالة إنك نسيت موبايلك مفتوح في أي مكان، ومش بس كده ده كمان بيصورلك الشخص ده بحيث يكون سهل عليه تعرفه ومزود بسكانر واي فاي ومحمي من الفيروسات.

دي كانت بعض التطبيقات المهمة لأي بزنس وممكن نلاقيها على موبايل أي رائد أعمال، أي حد بيستخدم تطبيق غير دول في شغله، وشايف إنه مفيد ياريت يشاركه معانا في الـ comments على البوست ده ويقولنا بيتسخدمه إزاي ..وياريت نشير البوست ده عشان غيرنا يستفيد بيه.
 
 
خصم 50% عند الإشتراك في أكاديمية إعمل بيزنس
 

 


مقالات مشابهة

المزيد
ساعة أبل تنقذ حياة انسان
ساعة أبل تنقذ حياة انسان

ساعة أبل تنقذ حياة انسان... شركة أبل - APPLE من اكبر

مؤشرات نجاح المشاريع الأونلاين
مؤشرات نجاح المشاريع الأونلاين

    لو لسه بادئ في مشروعك الأونلاين

إزاي تخلق بيئة عمل آمنة وخالية من التحرش؟
إزاي تخلق بيئة عمل آمنة وخالية من التحرش؟

من فترة للتانية بنقرا عن وقائع تحرش مختلفة بعضها بيكون

صاحبك ... وتحويشة العمر
صاحبك ... وتحويشة العمر

(كم مرة سمعت عن واحد عايز يفتح مشروع، فيشوف واحد صاحبة

الأكثر قراءة

المزيد
مراحل ترقي الـ HR: من HR Coordinator ل HR Director
مراحل ترقي الـ HR: من HR Coordinator ل HR Director

تعتبر وظيفة الـ HR واحدة من الوظائف المطلوبة بقوة في

أفضل 6 أفلام عن البيزنس لرواد الاعمال
أفضل 6 أفلام عن البيزنس لرواد الاعمال

يمكن الهدف الأساسي اللي بيخلينا نشوف فيلم أو مسلسل هو

شركات تنافس اوبر وكريم
شركات تنافس اوبر وكريم

بتعتبر شركة اوبر وكريم من الشركات الناجحة فى السوق

"ماكدونالدز" و"برجر كينج".. الصراع على عرش البرجر

في مايو اللي فات، قدمت سلسلة مطاعم "برجر كينج" 5 وجبات

ليه كورسات أكاديمية إعمل بيزنس أون لاين ؟
ليه كورسات أكاديمية إعمل بيزنس أون لاين ؟

    لاحظنا تزايد أسئلة الأعضاء بخصوص إن ليه

بطريقة سهلة ... ازاي تكتب إميل احترافي 
بطريقة سهلة ... ازاي تكتب إميل احترافي 

    كتابة إميل بشكل احترافي بتعتبر من الأساسيات

تطبيقات مهمة للبزنس
تطبيقات مهمة للبزنس

تطبيقات مهمة للبزنس.. على موبايل أي رائد أعمالمن

اسباب فشل الشركات الناشئة
اسباب فشل الشركات الناشئة

عالم ريادة الأعمال عالم كبير شبيه بالمدرسة أو الجامعة

كل شيء بيتغير.. في البيزنس حتى
كل شيء بيتغير.. في البيزنس حتى "التوحيد والنور"

"مفيش حاجة بتفضل على حالها في البيزنس" دي أول جملة