FB Instagram Twitter Youtube Linkedin تعريف SWOT analysis | أكاديمية اعمل بيزنس
 
الرجوع الى المدونة

تعريف SWOT analysis

تعريف SWOT analysis

ما هو تحليل سوت أو الـ swot analysis

تعريف تحليل سوت أو الـ swot analysis بيوضح لينا البيئة الداخلية والخارجية للشركة والمنافسين من حيث نقاط القوة والضعف والتهديدات اللى ممكن تقابلنى فى التسويق للبيزنس بتاعى وايه الفرص اللى ممكن نستغلها بالاضافة انه هو أداة مهمة في التخطيط لأي شركة أو منظمة أو Startup ويعتبر هو المرحلة الأولى في اي Plan و مهم لكل حد شغال في الـmarketing، معهد ستانفورد عمل بحث طلعت نتيجته سنة 1970 وكان الغرض منه معرفة أسباب فشل التخطيط الشركات وكانت نتيجة البحث إنهم قدموا تحليل سوت أو الـ swot analysis كخطوات أساسية في عملية التخطيط لأي مشروع.

عناصر تحليل سوت أو الـ swot analysis:

1- نقاط القوة Strengths.

وهي نقاط القوة الموجودة في الشركة والتي تميزها عن غيرها مثل القيادة المبدعة وقوة رأس المال.

2- نقاط الضعف Weaknesses.

وهي نقاط ضعف الشركة إللي ممكن تتسبب في نتائج سلبية تضر الشركة مثل المساوئ والمشاكل و ضعف الخطة التسويقية والاستراتيجية.

3- الفرص Opportunities.

وهي الفرص إللي ممكن تستغلها في البيزنس بتاعك علشان يكبر والايجابيات الغير موجودة حالياً لكن من الممكن الحصول عليها واستغلالها.

4-التهديدات Threats.

وهي المخاطر اللي بتقابل شركتك و لازم تشوفلها حل علشان متتأثرش على شركتك بالسلب.

أهمية تحليل سوت أو الـ swot analysis

تحليل سوت أو الـ swot analysis بيتكرر كل فترة ثابتة مثلا كل سنة لدراسة السوق ومعرفة قوة المنافسة وتقيم وضع الشركة الداخلي والخارجي لمواكبة التغيرات و للحفاظ علي الـ Market share أو زيادته في حالة ضعف المنافسين أو زيادة الميزة التنافسية لشركتك.

  • - تقليل المناطق الرمادية في الوضع الداخلي والخارجي للشركة.
    - تجنب الخسائر المالية لأنه بيوضح المشاكل والمخاطر قبل تحولها لخسائر.
    - إستخدام البيانات المجمعة والمعلومات مهم لتحديد الإستراتيجيات والأهداف الجديدة.
    - العمل على انتهاز الفرص المهمة من خلال تحويلها لأهداف.
    - التخطيط لاستغلال نقاط القوة أفضل إستغلال والسعي لخلق ميزة تنافسية من خلالها.
  •  
  •  

كيفية تطبيق تحليل سوت أو الـ swot analysis

الواقعية في تحديد نقاط القوة والضعف.
-  السوق والمنافسين بمعنى دراسة السوق لتحديد الفرص والتهديدات.
- التوقيت عامل مهم لفهم الوضع الحالي للشركة وتحديد المتغيرات المتوقعة للتنبؤ بالوضع المستقبلي.
- الدقة بحيث يتم شرح كل النقاط في شكل جمل قصيرة وبسيطة.

مثال على تحليل سوت أو الـ swot analysis

هنتكلم عن مثال عملى لشركة "تويوتا" عملاق صناعة السيارات اليابانى وهنشوف ازاى عملت تحليل سوت أو الـ "swot analysis" على منتجاتها وحللت كل خطوة بالتفصيل.

أولاً نقاط القوة

فى تحليل سوت أو الـ swot analysis كانت دراسة نقاط القوة الموجودة عند شركة "تويوتا" إنها استثمرت في إنشاء مصانع جديدة ليها فى أمريكا والصين والنتيجة هو ارتفاع نسبة الأرباح فى سنة 2005 على الرغم من إن اتجاه صناعة السيارات فى العالم فى التوقيت ده كان فى هبوط وكانت صافى الأرباح يقدر تقريبا ب11 مليار دولار وارتفاع نسبة المبيعات عشان توصل ل7.3% وحلل الخبراء الاقتصاديين النمو ده وارجعوا النتايج دى ان "تويوتا" نجحت فى استخدام المزيج التسويق فى الأسواق اللى متواجدة فيها بشكل ناجح جداً.

ثانيا الفرص

فى تحليل سوت أو الـ swot analysis بالنسبة للفرص"تويوتا" عندها عربيات هجينة أو الهايبرد ( موتور كهرباء وبنزين ) ومتواجدة فى الشريحة دى من خلال موديل "لكزس RX 400h" و"تويوتا بيريوس" وهما عربيات صديقة للبيئة واللى كل ما سعر البنزين بيزيد بيكون فى صالح العربيات الهجينة دى وتقدر كمان تبيع التكنولوجيا المستخدمة فى صناعة النوع ده من العربيات للشركات التانية زى ما عملت مع شركة فورد الأمريكية ده غير كمان استهدافها لشريحة الشباب في المدن بموديل مخصص ليهم وهو "تويوتا ايجو".

ثالثاً التهديد

فى تحليل سوت أو الـ swot analysis اللى كان بيواجه شركة "تويوتا" هو استدعاء السيارات اللى فيها مشاكل وده حصل معاها أكتر من مرة وكفاية نعرف ان فى 2005 تم استدعاء 88000 عربية من مختلف الموديلات عشان مشاكل فى نظام التعليق بتاعها والعربيات دى كانت مباعة فعلاً فى أمريكا وأستراليا وأوروبا واليابان والتكلفة كانت كبيرة جداً عشان يصلحوا العيوب دى ده غير التهديدات من المنافسة اليومية من كبار المصنعين فى العالم زى الشركات الأمريكية والأوروبية ده غير ظهور شركات من كوريا الجنوبية والصين كمان بالإضافة لتهديدات اقتصادية زى ارتفاع أسعار المواد الخام وتهديدات عدم استقرار الوضع الإقتصادى فى أوروبا وأمريكا .

رابعاً نقاط الضعف

فى تحليل سوت أو الـ swot analysis نقاط الضعف اللى كانت موجودة فى شركة "تويوتا" العالمية هو ارتفاع تكلفة الأصول الثابتة بشكل كبير جداً وده بيخليها تنتج بشكل مستمر للحفاظ على الكفاءة التشغيلية لأنه استثمار كبير ده غير كمان ارتفاع تكلفة التدريب والتطوير للعاملين، لو اتجاه صناعة السيارات كان فى "النازل" فى العالم كله ده معناه تأثير سلبى وتكاليف كبيرة وباهظة على الشركة  ولو الاتجاه العالمى فى صناعة السيارات "صاعد" معناه ان فى فرص بيع محتملة بتضيع على الشركة بسبب القدرة المحدودة على استيعاب حجم الطلب الكبير ودى مشكلة يواجهها أكبر مصنعى السيارات فى العالم .

مثال على تحليل سوت أو الـ swot analysis

هل أنا قادر بالمنتج أو الخدمة اللى معايا على تلبية احتياجات الشريحة دى؟ والمثال ده كان واضح فى صراع "دومينوز بيتزا" وبيتزا هت" لما وجدوا إن الناس عايزة يوصلها البيتزا بسرعة ف"دومينوز بيتزا" قدرت بسرعه إنها تركز على الشريحة دى بينما "بيتزا هت" لقيت إن إمكانياتها الداخلية مش هتقدر تنافس "دومينوز بيتزا" فى الحتة دى وركزت على شريحة تانية واستبعدت الشريحة دى.

لأن لازم الشركة نفسها يبقى عندها إمكانيات داخلية ضخمة ولما شركة عقارات كبيرة كانت عايزة تدخل السوق ده فى منتصف التسعينيات دخلت مستثمر اجنبى كشريك بأسهم مميزة علشان تقدر يبقى معاها سيولة تستهدف الشريحة دى وتقدر تنافس الشركات العملاقة الاخرى العاملة فى المجال.

وكذلك البيئة الداخلية تبقى مناسبة أو مؤهلة للشريحة المستهدفة برضه مثال سريع فيه سلسلة فنادق مصرية كانت معتمدة بشكل رئيسى على اجتذاب السياح الإيطاليين لمصر ولما انخفض الطلب لدرجة معينة وبدأ يبقى الطلب واضح من الروس كانوا عايزين يستهدفوا السياح الروس وكان مثلاً من ضمن التحديات إن كل أو معظم العاملين في السلسلة بيتكلموا إيطالى وعلشان يستهدفوا الروس لازم يبقى فيه ناس كتير هتتغير أو تتعلم روسى وده مش حاجة سهلة، فاختيار الشريحة موضوع مش سهل أبداً ولازم يتوائم مع البيئة الداخلية للشركة.

نتمنى اننا نكون قدرنا نوضح تحليل سوت أو الـ swot analysis بشكل مبسط وسهل وربنا يوفق الجميع.