تعويم الذهب والدولار والجنية - ج12

من إمبارح عمال أفكر بعد كل اللي حصل خلال الأسبوعين اللي فاتوا من الجيم اللي حصل على الناس ووصلهم إنهم يشتروا دولارات ب 18 ج وإحنا الحمد لله كنا شايفين اللعبه اللي اتلعبت على الناس قبل كدة أكتر من مرة وكل مرة الناس مبتحرمش

وعمال أسأل نفسي هل لو اللعبة إتكررت تاني الناس برضه هتدخل فيها ولا الناس هتحرم وتعرف إن المخاطرة كبيرة وإن اللعبة لعبة كبار هما بس اللي بيكسبوا ومابيسمحوش لحد تاني يكسب معاهم ؟؟؟

ياريت يا جماعة نبعد عن المخاطرة في رؤوس أموالنا وفي صحتنا وفي راحة بالنا لأن لسه الجيم ماخلصش بس الجيم ده بيكسب فيه 1% وبيخسر فيه 99% بس إحنا عندنا خيار واضح إننا مندخلش فيه .... ولو قررنا ندخل يبقى بلاش نزعل لما نخسر لأن ده الطبيعي ومحدش بيتعلم ببلاش