حابب أكد على عدة نقاط .. أولاً هناك فرق بين التعويم والتخفيض ... التعويم هو ترك الجنيه للعرض والطلب دون تدخل الحكومة سواء للرفع أو للخفض بمعنى التخلي ( كلياً ) عن المحافظة على سعر محدد بينما التخفيض هو التخلي ( جزئياً ) عن دعم الجنيه عن طريق التقريب بين سعر الصرف في السوق الموازية وسعر الصرف في البنك

ثانياً التعويم أو التخفيض مش دايماً خيار لصانع القرار أحياناً بيكون غصب عنك لازم تعوم أو تخفض لأن (معندكش) اللي تسند بيه ... بمعنى إنت شايف إن الصح والصالح إن الجنيه لا ينخفض أمام الدولار لكن علشان ما ينخفضش لازم الحكومة تضخ مليار دولار مثلاً كل شهر وده غير موجود الآن فطبيعي إنها تلجأ للتخفيض أو للتعويم في وقت من الأوقات .

ثالثاً أنا شخصياً ممكن أكون متضرر لخفض الجنيه لكن أي كارثة أو مصيبة (تهديد) بنحاول نتعامل معاه من وجهة نظر إننا نطلع الإستفادات (الفرص) اللي ممكن تظهر مع التهديد خصوصاً إننا لسنا صانعي قرار فمن الممكن إن بعض الناس تستفيد من الفرصة اللي بتصاحب التهديد وده دورنا في الصفحة :)

ياريت نقرأ المقالات في نفس السلسلة ونقرأ علشان نفهم وجهة نظر ممكن تكون عكس للي إحنا مقتنعين بيه وممكن تبقى معاها ... المهم إن دي وجهة نظر مش مطلوب منك تتبناها ولكن تفهمها لأن فيه ناس تبنوها أو استفادوا منها أو طبقوها ونفعت معاهم فمش لازم ولا بد تنفع معاك

وبالتوفيق للجميع وربنا يجعلنا نقدر نحوّل التهديد لفرصة