جرام الذهب عيار 21 كان ب 360 ج في شهر إبريل 2016 لما كان الدولار ب 10.3 ج وأوقية الذهب عالمياً كانت ب 1250 دولار .
وفي اكتوبر 2016 سعر أوقية الذهب عالمياً وصلت ل 1250 دولار تاني بعد ماكانت وصلت ل 1360 دولار يعني كان المفروض جرام الدهب يرجع ل 360 ج تاني زي إبريل لولا ارتفاع الدولار في السوق السوداء .... وعليه بحسبة بسيطة
لو سعر الدولار 11.3 يبقى جرام الذهب يساوي 396 ج .
لو سعر الدولار 12.3 يبقى جرام الذهب يساوي 432 ج.
لو سعر الدولار 13.3 يبقى جرام الذهب يساوي 468 ج.
لو سعر الدولار 14.3 يبقى جرام الذهب يساوي 504 ج.
هي دي العلاقة حالياً أي إنخفاض في سعر الدولار هيتبعه بشكل مباشر إنخفاض في سعر الذهب علماً إن الدولار طلع آخر أسبوعين فقط يعني كل تجار الدهب شاريين الدهب بسعر الدولار القديم واللي بيحصل دلوقتي من ارتفاع الدولار إدالهم فرصة يخلصوا كل الدهب اللي عندهم قبل ما الإنخفاض في سعر الأوقية يظهر ويسمع في مصر بشكل واضح
المهم إن في الفترة الحالية فيه ارتباط بين سعر الذهب وسعر الدولار وأي إنخفاض في سعر الدولار الفترة الجايه هيسمع على طول في سعر الدهب
وجهة نظري اللي طبعاً هفصله بعد كده إن الإقتصاد المصري من شهر 4 لحد دلوقتي ماحصلوش حاجة جديدة علشان يطلع 5 ج مثلاً بل بالعكس فيه مؤشرات مختلفه فى طلوع الدولار بفعل مضاربات وحاجات تانية ممكن نفصلها بكرة ولكن في النهاية ليس بفعل تقييم عادل
أنا مش هقدر أقول رأي مخالف لوجهة نظري علشان أرضي الناس وأبقي ماشي مع الرائج في المجتمع دلوقتي حتي لو رأيي في النهاية طلع غلط بس ده رأيي اللي مش هغيره غير برضه باقتناع ومعنديش مشكلة إن أي حد يختلف معاه وكلنا بنتعلم
رأيي ده كان ممكن أحتفظ بيه لنفسي لأني في النهاية مش هكسب أي حاجة من نشرة لولا إني حضرت مواقف كتير بالشكل ده وعارف إن اللعبة دي بتتعمل على صغار المستثمرين اللي هيشتروا الدولار ب 14 و15 ج وفي الآخر هيبقوا هما الضحيه
في مقال قادم هنتكلم أكتر عن الأسباب اللي بنيت عليها وجهة نظري وربنا يوفق الكل وتيجي سليمة في الآخر
فاكر اللي حصل بعد قرار تعويم الجنيه وحالة الفوضى
- علشان فيه ناس كتير سألوني عن وجهة نظري عن إتجاه
أولاً أنا شخص متفائل جداً فياريت بلاش حد يقوللي إنت
اتفقنا قبل كده إننا نراقب موضوع تعويم الجنيه بدون أخذ
هل إنخفاض سعر الجنيه كويس لأصحاب الأعمال ولا لأ ؟
عندي كام نقطه عايز أقولها في ظل مناقشة موضوع الدولار
أهم ميزة من مميزات مصر اللي لازم أي حد بيعمل بيزنس ياخد
ممكن يكون ده آخر موضوع نتكلم فيه عن الدولار والدهب
جرام الذهب عيار 21 كان ب 360 ج في شهر إبريل 2016 لما كان
اتفقنا قبل كده إننا نراقب موضوع تعويم الجنيه بدون أخذ
معنى تعويم الجنيه تركه لآليات العرض والطلب وظهور سعره
- علشان فيه ناس كتير سألوني عن وجهة نظري عن إتجاه
اتكلمنا قبل كده عن مميزات تخفيض الجنيه أمام الدولار