FB Instagram Twitter Youtube Linkedin
920033973
16342
article

روح الدعابة فى التسويق

August 28, 2022    

امتلاك روح الدعابة فى التسويق لمنتجك هو اللى بيخلى عملائك يقولوا لأصحابهم عنك وعن أفكارك الغير تقليدية وده الأساس اللى بيقوم عليه التسويق الفيروسى أو ممكن كمان نقول عليه ال word of mouth واللى بيوصل رسالتى التسويقية لأكبر قدر ممكن من العملاء المستهدفين بشكل أكبر من بعض الحملات الإعلانية مجتمعة

روح الدعابة دى ممكن تساهم بصورة كبيرة فى إنها تعمل توعية كويسة بالمنتج وبتحسن شكل وصورة الشركة المنتجة وبتقلل من الجدية الكبيرة المصاحبة للرسالة التسويقية وبتخلى فى نوع من التشويق ومتابعة آخر أخبار المنتج ده أو العلامة التجارية يعنى باختصار شديد استخدام الأسلوب ده بيساهم فى سرعة معرفة الناس بيك كعلامة تجارية وبيفضلوا دايماً يفتكروها بطريقة أسهل نوعاً ما من كل الأنشطة التسويقية والترويجية الأخرى .

استخدم الأسلوب الظريف ده فندق اسمه "راديسون" واللى أغلب عملائه بيشغلوا فى البيزنس أو بمعنى أدق رجال الأعمال والفرق بيهنم وبين أى نوع تانى من العملاء إنهم بيقضوا وقت أكتر فى غرف نومهم .. يعنى بيستغلوا أغلب وقتهم فى إنهاء وإدارة أعمالهم وبيفضلوا إنهم يعملوا كده عن إنهم يخرجوا يشوفوا المناظر الطبيعية ويقضوا وقت فى التنزه والترفيه وبيكتفوا بتواجد أسرهم معاهم فى نفس الغرف ومن هنا جت فكرة لإدارة فندق "راديسون" إنهم يزودوا حمامات كل الغرف بدمية عبارة عن بط ومكتوب معاها رسالة إن الإدارة سعيدة لو النزلاء رجعوا لبلادهم ومعاهم البط اللعبة ده كهدايا لأولادهم

وإن نزيل الفندق يقدر كمان يطلب شحن البط اللعبة ده بالقفص بتاعه مع بعض الطوابع البريدية لبلده وعلى الرغم إن تكلفة الشحن دى كلفت الفندق رقم كبير ( كان ممكن يتضاف على فاتورة نزيل الفندق ) لكن التكلفة دى تحملتها إدارة فندق "راديسون" واعتبروها شئ بسيط .

كانت التيجة إن مئات الآلاف من دمى البط اللعبة دى بدأت تتشحن لبلاد كتير وانتشرت بين الأطفال الصغيرين والأزواج وزوجاتهم وأصدقاء العمل وقدرت إنها ترسم على وشوشهم بسمة

التأثير كان كبير وبدأت صورة فنادق "راديسون" اللى بتتمتع بالتقليدية والشكل الجدى فى أذهان عملائها تتغير لصورة أقل حدة ووضحت إن الفنادق ال top-class عندها هى كمان روح دعابة عالية وبتستخدمها مع عملائها .. التحول ده بالطبع ساهم فى زيادة عدد الراغبين فى قضاء عطلات نهاية الأسبوع والأجازات فى فندق "راديسون" ورغبة كبيرة فى قضاء أكبر وقت ممكن فى الفندق

شفنا قد ايه الفكرة كانت بسيطة جداً ولكن كان لها تأثير كبير .. الناس محتاجين اللى يداعبهم بلطف واللى هيتحول على طول لتسويق فيروسى سريع الإنتشار  مع تأكيد إن خطوة أو فكرة زى كده مش هتأثر على الصورة الذهنية النمطية والتقليدية فى أذهان الناس عن علامتك التجارية


مقالات مشابهة

المزيد
كيف تستغل Canva في الدعاية لمشروعك الصغير: 7 نصائح فعالة
كيف تستغل Canva في الدعاية لمشروعك الصغير: 7 نصائح فعالة

هل نظرت يومًا إلى تصميم ما بإعجاب  وقلت لنفسك

كيفية إنشاء إعلان تسويقي على التيك توك كالمحترفين؟
كيفية إنشاء إعلان تسويقي على التيك توك كالمحترفين؟

61% من مستخدمي منصة تيك توك tiktok يرون أنها الأفضل والأكثر

YouTube seo:  كيف تتصدر نتائج البحث في اليوتيوب
YouTube seo:  كيف تتصدر نتائج البحث في اليوتيوب

بلغ عدد مستخدمين اليوتيوب شهريًا بـ 2.6 بليون مستخدم،

كيفية كتابة محتوى تسويقي لمنصة Linkedin؟: النصائح والاخطاء 
كيفية كتابة محتوى تسويقي لمنصة Linkedin؟: النصائح والاخطاء 

4 من أصل 5 أشخاص تدفعهم منصة لينكد إن LINKEDIN إلى اتخاذ

الأكثر قراءة

المزيد
12 نصيحة للترويج لعيادة 
12 نصيحة للترويج لعيادة 

 التسويق للعيادات أمر صعب جدًا وخصوصًا لو ملكش أي

مشاكل التسويق وحلولها
مشاكل التسويق وحلولها

 تتعرض الشركات لكتير من المشاكل التسويقية العصيبة،

مفهوم تقسيم السوق
مفهوم تقسيم السوق

تقسيم السوق أو الـ Segmentation من أكثر المصطلحات الهامة

إزاي تعمل براند ؟ 1
إزاي تعمل براند ؟ 1

هنبتدي النهارده معاكم سلسلة مقالات بعنوان إزاي

إزاي تعمل خطة تسويقية في 7 خطوات!
إزاي تعمل خطة تسويقية في 7 خطوات!

أهمية الخطة التسويقية : كتير من أصحاب المشاريع - وخاصة

كيفية الربح من الفيس بوك: أفضل 13 طريقة لتحقيق الربح من الفيسبوك
كيفية الربح من الفيس بوك: أفضل 13 طريقة لتحقيق الربح من الفيسبوك

يٌعد الفيس بوك أكبر منصة للتواصل الاجتماعي فيبلغ عدد

دليلك الشامل لأهم 100 مصطلح في عالم التسويق 
دليلك الشامل لأهم 100 مصطلح في عالم التسويق 

يعد علم التسويق الحصان الرابح فى عالم  الأعمال

تعريف SWOT analysis
تعريف SWOT analysis

ما هو تحليل سوت أو الـ swot analysis تعريف تحليل سوت أو الـ

شغل دماغك تعمل بيزنس
شغل دماغك تعمل بيزنس

لو كان لديك قوة ملاحظة تستطيع بها أن تلاحظ الفرص