كل شخص عنده شركة بيسعى انه يخلق طريقة جديدة في الترويج وكسر الطرق التقليدية وطبعاً دة بيسهل على الشركة الوصول لعقل العميل ودة اللي استخدمه النمساوي ديتريش ماتيشيتز لما اسس مصانع ريد بُل سنة 1984 بعد ما اكتشف الشعبية الكبيرة للمشروبات المنشطة في العالم وأصبح اغنى رجل في النمسا ودلوقتي مصانع ريد بول بتغطي أكتر من 165 بدل في العالم.

ديتريش ماتيشيتز معروف انه بيمتلك اسلوب مميز جداً في التسويق وده لإنه درس التسويق لمدة 10 سنين وعمل مجهود كبير جداً عشان يبني علامتة التجارية ودلوقتي اصبح ريد بُل احد اهم المصانع العالمية..

وطبعاً لان اي شركة بتحاول تلبي إحتياج العميل من خلال الترويج والتسويق الصحيح.. اشتغل ديتريش ماتيشيتز على عناصر المزيج التسويقي الاربعة:

المنتج: اعتمدت الشركة في طعم ريد بول على انه يكون مميز ومش شبه اي منتج تانى من المشروبات الغازية وطبعاً المنتج مشهور بإنه منتج الطاقة ودي كانت ميزة ريد بول لانه اشتغل على نظرية المحيط الازرق وهو اني مش هقدر انافس منتجات زي بيبسي وكوكاكولا بس ممكن اعمل مشروب غازي بس مخصوص للطاقة وده خلاه فى مكان لوحده تماماَ.

المكان: منتج ريد بول بيتباع في أماكن كتير جداً ومتنوعة بما فيها المطاعم والكافيهات وبما إنه منتج للطاقة شركة ريد بول اهتمت عباستهداف جميع الاماكن اللي كان بيتواجد فيها الرياضيين وده مكان عمره ما هيتواجد فيه أى نوع تانى من المشروبات الغازية.

السعر: استخدمت شركة ريد بول سياسة تسعيرية مختلفة عن باقي شركات المشروبات الغازية في السوق فكان سعر المنتج أعلى من منتجات للمنافيسن نظراً لفوائد وجودة المنتج وإنه مشروب الطاقة الوحيد المتاح في العالم.

الترويج: عنصر الترويج كان أكثر العناصر المثيرة للإهتمام لانها كانت دايماَ بتبتكر في الترويج علشان تخلق انطباع متميز ومستمر عند المستهلكين وده اللى نقدر نشوفه فى إستراتيجية الشركة التسويقية وهدفها الرئيسى هو تنمية أعمالها التجارية وزيادة حصتها في السوق حول العالم.

اساليب الترويج:

1- الاعلان عبر الصحافة والتليفزيون والاذاعة والانترنت: على الرغم من سهولة الاسلوب ده في الترويج والوصول الي قاعدة عملاء كبيرة بس الحقيقة الاسلوب دة كان بيسبب تكلفة عالية جداً لان ريد بول كانت بتعتمد على الاعلانات في أوقات الذروة بس دة مكنش فارق مع الشركة قوي قد ماكان فارق معاها زيادة الوعي ومعرفة العلامة التجارية بين العملاء ودة الشىء اللي كانت عايزة توصل ليه الشركة في البداية.

2- تنظيم الاحداث الرياضية: طبعاً مفيش حد يختلف على اهمية الاحداث الرياضية في عمليات الترويج والتسويق.. شركة ريد بول اقامة الاحداث التالية (Red Bull X –Fighters و Red Bull Air Race و Red Bull Car Park Drift و Red Bull Flugtag) وكانت الاحداث الرياضية مهمتها خلق الوعي والاهتمام بالمنتج من قبل المستهلكين من خلال تشجييع الافراد المبدعين في رياضة معينة على شرب ريد بل وبيكون في تحديات بينهم سواء(دراجات نارية أو سيارات أو طيارات أو الغطس من المرتفعات) أمام الجماهير وكان لإقامة الاحداث الرياضية المختلفة أثر كبير على تطوير العلامة التجارية ببراند ريد بول ودة اللي ركزت عليه إدارة التسويق في عملية الترويج لان معظم سكان العالم بيهتموا بالاحداث الرياضية

فإشتغلت الشركة على دعم الاحداث الرياضية و إقامتها بشكل كبير ودة لان المنتج رياضي او بيستهدف الرياضين اكثر ودة اللي كان بيميز ريد بول عن المنافسين في تطويرها الدائم بعلامتها التجارية

3- التسويق بالكلام: والنوع من الترويج ساعد على اشعال حماس المستهلكين في تجربة المنتج ونقل هذا الحماس الي اصدقائهم وعائلاتهم ودة كان اسلوب مهم في الترويج اعتمدت عليه الشركة!!

اي شركة عايزة تنجح لازم تهتم بالتسويق والترويج للمنتج قبل اي شىء ومهم جداً مراجعة اساليب التسويق وتجديدها عشان تقدر تفتح لنفسك سوق وعملاء جدد.