جالنا السؤال ده من أحد أعضاء الصفحة :

انا ناوى أشتغل انا وإخواتى مع بعض .. وتربطنا علاقة كويسة جداً فى التعامل مع بعضنا و كنت عايز اسأل على موضوع البيزنس العائلى من حيث الفوائد والعيوب ؟

و كانت الإجابة :

التجارب بتقول إنه البيزنس العائلي حاجه قوية جدا لكن بمجموعة شروط أهمها

1-كل واحد يعرف هو دوره إيه ويبقي راضى بيه .

2-مفيش حاجة إسمها أنا الكبير أو أنا الصغير إحنا شركاء كلنا ونخلي علاقتنا الأسرية برا الشغل .

3- مفيش حد من غير المتشاركين يتدخل في المشروع حتي لو الأب أو الأم أو زوجة أحد الشركاء .

4-علاقتنا العائلية تظل ممتده وماتكونشى مقصورة علي الشغل .

5- هانرجع لمين ونرتضي بحكمه لو اختلافنا خلاف شديد .

6- هانفض الشركه إزاي لو اختلافنا ومش هاينفع نكمل مع بعض .

لو ال 6 نقط دول اتظبطوا يبقي هاتنجح انت وأخواتك

سؤال وجواب 70