سؤال وجواب 95

السؤال :

هل فيه سن مناسب الواحد يفتح فيه بيزنس خاص ؟؟؟؟

==============================

الإجابة :

أنا شخصياً فتحت شركة وأنا عندى 21 سنة ورغم إنى إتعلمت كتير من البدء مبكراً إلا إن التجربة كانت قاسية جداً وكانت ممكن يبقى نتيجتها السجن لا قدر الله أو الإنسحاب تماما من البيزنس ولو رجع بيا الزمن كنت هأجل مرحلة إنى أفتح شركة لسن ال 30 أو حتى بعد الشغل لمدة لا تقل عن 5 سنوات فى شركة أتعلم منها أكتر .

"جاك ما" مؤسس موقع "على بابا" و أغني رجل في الصين كان بيتكلم عن خلاصة تجربته وهى كالآتي :

-  تحت سن العشرين يجب أن تكون تلميذ شاطر ومجتهد في دراستك .

-  من 20-30 سنة إعمل فى شركة صغيرة كى تستفيد من روحها واتبع قائد فى عملك تستفيد منه فى هذه المرحلة مديرك أهم من الشركة والشركة الصغيرة أهم من الشركة الكبيرة لأن الشركة الصغيرة بتوجه بالروح والشركة الكبيرة بتوجه بالنظام .

-  من 30-40 سنة هو أفضل سن لبدء مشروعك وأن تطبق فيه ماتعلمته سواء تحت العشرين أو من عملك قبل ال 30

- من 40-50 سنة لاتحاول أن تغير المجال الذى برعت فيه

- من 50-60 سنة حاول أن تساعد الشباب استثمر فيهم وساعدهم

- فوق ال 60 اقض وقتاً كثيراً لنفسك واستمتع

دى نصيحة "جاك ما" اللى أنا بتفق مع جزء كبير منها وهى بتتكلم عن القاعدة وأكيد فيه استثناءات كتير من القاعده وربنا يوفق الجميع