سؤال وجواب 94

السؤال :

تعمل إيه لو اتعينت في شركه وأول يوم ليك في الشغل لقيت مديرك واحد كان زميلك في شغل قبل كده وشغلك أحسن منه بكتير وخبرتك كمان أكبر منه ؟؟؟؟ 

==============================

الإجابة :

أولا لازم نفهم إني حتي لو أنا أفضل من شخص ما في العمل الفني فإن المناصب الإدارية لها حسابات أخري وأهمها قدرة الشخص علي الإدارة بشكل عام وعلي إدارة الأفراد بشكل خاص ولو وجدت نفسي متطور فنيا ولا يتم ترقيتي فلابد من الإجتهاد والتعلم في الإتجاه الإداري لاستكمال أسباب الترقي

ثانيا لو وجدت زميلي اللي أنا شايف إني أفضل منه فنيا هو مديري وبفرض إن وجهة نظري صحيحه فرد فعلي هايعتمد علي المرحله اللي أنا فيها يعني

1- لو أنا في مرحلة التعلم اللي هي غالبا ما قبل ال 30 فأنا لن أتعلم منه من الناحية الفنية لأنه أقل مني فنيا ففي الحاله دي هابحث عن عمل أخر يضمن لي التعلم والإستفاده في المرحله دي من حياتي وهاتأكد إن فعلا مديري هو أفضل مني فنيا حتي أستطيع أن أتعلم منه مع عدم الإخلال بواجبات وظيفتي الحالية

2- لو أنا في مرحلة غير محتاج للتعلم بشكل أساسي هاكمل في العمل مع استكمال جوانب النقص الإداري وهاستفيد من مديري في التعلم الأسس الإداريه اللي ساعدته إنه يسبقني مهنيا وألحق بيه وأتفوق عليه بعد فتره

في النهاية غير مطلوب إني أخد الأمور بحساسيه أو بشخصنه أو بشكل عاطفي لابد إني أفكر وأختار الأنسب لي مهنيا في المرحله الحاليه وربنا يوفقكم جميعا