فى تعليق على بوست ( الأرضية ) واللى اتكلمنا فيه عن التعامل مع العميل بنظرية الأجل والكاش جالنا التوضيح ده :

المشكلة فى تثبيت مبلغ بصفة دائمة عند التاجر كأرضية للأسف التاجر مع مرور الوقت بيعتبر هذا المبلغ من رأس ماله وبيكون من الصعب جدًا الحصول عليه خاصة اذا مرت فترة طويلة لذا لابد من تحديد ميعاد سواء شهرى أو اسبوعى على حسب طبيعة السلعة لتصفية هذه الحسابات ثم يتم ارسال بضاعة جديدة من أول الشهر أو من أول الأسبوع وعلى فكرة الكلام مش نظرى وفى شركات كتير فى السوق بتتبع هذا النظام من سنين وناجحة فيه المشكلة اللى بتواجهها لو هى بتصفى ىخر كل شهر ان المبيعات فى آخر الشهر بتكون ضعيفة لكن بيتم تعويضها أول الشهر وللعلم النظام ده بيكون أسهل فى تطبيقه لو الشركة شغالة بنظام التوكيلات يعنى فى كل محافظة وكيل لأن الوكيل بيضغط على نفسه علشان مايخسرش الوكالة .

وكان الرد على وجهة النظر دى :

كلام صحيح نظريًا ... المشكلة إنك لما بتيجي تصفى لا بتقدر تحصل المبلغ ده ولا حتى بتحتفظ بالعميل ويبقى خسرت الإتنين ... ولو قللت عليه البضاعة بيدور على حد تانى يشتغل معاه ويركنك ...... الحل عن تجربة إنك تسيب المبلغ ده وتحاول تطلع منه أقصى إستفادة ممكنة وبرضه الشركة اللى بتطبقه شركة كبيرة أو ليها منتج ملوش منافس علشان يبقي ليها اليد العليا على العميل وكلامك صحيح في الحالات الخاصة ولكن لما بنكتب بوست بيبقي عام وموجه لأصحاب المشاريع الصغيرة والمتوسطة .