فى تعليق على بوست " المنافسة فى السعر هى أسوأ أنواع المنافسة فهى تقضى على الأرباح أولاً ثم على المشروع ثانياً وتأكد أنك عندما تحرق السعر فإن منافسك سيحرقه أيضاً "

جالنا السؤال ده :

احنا فى شركتنا بنعانى من المشكلة دى مع إحدى الشركات المصرية مع اننا شركة حجمها كبير فى السوق بس الشركة المنافسة دى بتنزل فى الأسعار بطريقة غير مدروسة وبتخسر نفسها عشان تاخد مناقصات كتير وتلم السوق فى عبها مش عارف التصرف يكون ازاى فى المواقف اللى زى ده ياريت لو فى حل للتصرف ده ؟

وكانت الإجابة :

طيب هى هاتفضل تخسر لمدة قد إيه ؟ وهاتستحمل الخساره كده إزاى ؟

ولو هى بتلم السوق يبقى بتخسر علشان تكسب بعد كده فلازم تنافسها ولكن لو انت شايف إنها فى الآخر هاتخسر لحد ماتنتهى اصبر عليها وخليها تنتحر لوحدها وحافظ انت على سعرك علشان لما الدنيا تبوظ معاها الناس هاترجعلك انت فتكسب مكاسب تعوضك على الصبر ده ... ده غير إن أكيد فيه مميزات تانية تقدر تقدمها غير السعر وممكن ناس تانية تقدرها