جالنا فى الرسائل السؤال ده :

أنا دلوقتى بجهز لافتتاح شركتى فى مجال الدجيتال ماركتينج ومحتاج ممول معايا علشان أبدأ بداية كبيرة نسبياً .. فى البداية سؤالى ازاى أحدد نسبة رأس مال الشركة علشان أعرف احدد نسبة الممول أو المستثمر كام علماً بانى انا وفريق عملى 5 أشخاص عندنا خبرة 4 سنين فى المجال + ان الأجهزة والمكاتب موجودة من دلوقتى وجاهزة ؟

وكانت الاجابة :

عادة رأس المال بيبقى له من 80-85% بس فى حالتك ممكن يبقى 50% فقط وربنا يوفقك

وكان السؤال مرة تانية :

أنا ممكن أحسب تمن الأجهزة والمكاتب تمام بس المشكلة فى ازاى أحسب الخبرة والادارة بمقابل مادى علشان أقدر فى الآخر أدى رقم للشريك اللى هيدخل معايا

وكانت الاجابة :

ماهو الخبرة والادارة 50% ورأس المال 50% ... لو هو هيدخل بنصف رأس المال يبقى له 25% من الشركة

وكان آخر سؤال :

تمام هو فعلاً هيدخل بنصف رأس المال يبقى كدا هو 25% واحنا 75%

بس ينفع أحدد بند معاه فى العقد إنه لو عاوز يبيع الأسهم بتاعته بعد كدا احنا اللى نشتريها بس ولا مش قانونى بند زى كدا

وكانت الاجابة :

أى حاجة ممكن تتحط فى العقد ... وممكن بدل العقد اعمل شركة مساهمة مغلقة اللى هى أصلاً قانونها ان محدش يبيع لحد من بره