FB Instagram Twitter Youtube Linkedin سميح طوقان ماكينة متحركة | أكاديمية اعمل بيزنس
 
الرجوع الى المدونة

سميح طوقان ماكينة متحركة

سميح طوقان ماكينة متحركة

"موقع Yahoo يستحوذ على موقع مكتوب" 

الخبر دا كان من أشهر الأخبار سنة 2009، اللي محضرش أو مش عارف موقع مكتوب هو موقع عربي قدر إنه يحقق نجاح كبير على مستوى العالم لأنه كان أول موقع عربي بيعمل بريد إلكتروني، الموقع إنطلقت بدايتة التجريبية سنة 1998 بشراكة بين رجل الأعمال سميح طوقان و حسام خوري خبير إدارة الأعمال وفادي الغندور الرئيس التنفيذي لشركة ارامكس Aramex.

 

فكرة مكتوب بدأت شرارتها مع "سميح طوقان" الأردني الجنسية لما لاحظ زيادة عدد مستخدمين الإيميل على المواقع العالمية من وطنا العربي، عرض "سميح" فكرة إنشاء موقع عربي يعمل إيميل على صحابة "حسام" و "فادي" اللي عجبتهم الفكرة وبدأو خطواتها الفعلية بعمل موقع تجريبي وعمل حملة كبيرة ليه تحت مسمى "افتخر أنت عربي" واللي كان نتايجها حصول الموقع على 5000 مشترك.

 

المشروع كان تحت إدارة "سميح طوقان" اللي كان دينامو المشروع، "سميح" قدر أنه يقدم مجموعة خدمات مميزة زي موقع سوق.كوم (الشهير اللي استحوذ عليه موقع أمازون)، وموقع كاش يو ؛ وقدر انه يوصل سنة 2000 لعدد 100.000 مشترك حول العالم.

 

"سميح" نجح إنه يعمل Deal قوي جداً لما قدر إنه يقنع شركة المصرية للاستثمار المالي EFG-Hermes إنها تكون شريك مالي في "مكتوب"، الصفقة دي طبعاً ضخت فلوس كتير في المشروع أدى لزيادة الترويج للموقع بشكل أوسع في الجرايد والإنترنت

 

كان "سميح طوقان" معتمد في الحملة الدعائية إن موقع Maktoob.comهو أكبر موقع على مستوى العالم مساحة وهى 1000 ميغابايت (دي كانت أكبر مساحة وقتها)، كان من نتايج الحملة على الإنترنت هو إن موقع مكتوب بقى اسم قوي لدرجة انه تصدر قوائم المواقع العربية ونجح انه يحتل المركز الأول في ترتيب "اليكسا Alexa" للمواقع العربية 

 

سنة 2009 دخلت شركة yahoo في مفاوضات للاستحواذ على موقع مكتوب، وفعلاً تمت الصفقة مقابل 85 مليون دولار، بعدها "سميح" دخل في شراكة مع إتنين مستثمرين وفتح شركة جبار للإنترنت وبقى رئيس مجلس الإدارة وضم المشاريع اللي مكانتش في صفقة استحواذ ياهو لمكتوب زي سوق دوت كوم و محرك البحث عربي ولعبة تحدي 

 

"سميح طوقان" إشتغل كويس على موقع سوق دوت كوم اللي كان موقع للمزادات لكن في 2011 غير نشاط الموقع للبيع بالتجزئة، استمر موقع سوق فى الانتشار لحد ما حصل على استثمارات كتير وكان وصلت لـ 350 مليون دولار ووصلت قيمة الشركة السوقية لـ 1 مليار دولار 

 

"سميح" نجح في المفواضات مع شركة "Amazon" للإستحواذ على "Souq.com" مقابل 650 مليون دولار، لما نيجي نبص لشخصية "سميح طوقان" عن قرب هنلاقي إن كل الحوالية بيوصفوه بإنه (دينامو لا يهدأ) وانه يقدر يدخل أي مشروع وينجحة، وبترجع سر قوتة في إمكانياتة الإدارية المتوفقة 

 

شارك المقال :