FB Instagram Twitter Youtube Linkedin سهلها على عميلك قبل ما المنافس يسهلها عليه | أكاديمية اعمل بيزنس
 
الرجوع الى المدونة

سهلها على عميلك قبل ما المنافس يسهلها عليه

سهلها على عميلك قبل ما المنافس يسهلها عليه

بنشوف شركات عندها عوائق كتير في عملية الشراء .. هنلاقي مثلًا مطاعم الـ takeaway لازم تتصل بيهم بالتليفون علشان تطلب أوردر .. وده مع تطور التكنولوجيا بيعتبر عند بعض الناس أمر مرهق نوعاً ما .. ودا لأن طبيعة العميل هنا إنه كسول شوية .

طب إيه البديل اللي يبقى مناسب للعميل وللشركة ؟

الحل عملته شركة توصيل البيتزا للعملاء إسمها "بيتزا ماجيك" الأسكتلنديه لما وفرت خدمة طلب البيتزا أونلاين عن طريق موقع الشركة .. المنيو موجودة بالكامل على الموقع ويقدر العميل يختار اللي هو عاوزه ويدفع تمنه أونلاين من غير ما يتكلم مع موظف واحد .. كل ده بيتم بخطوات سهلة وبسيطة ومن غير صعوبة فى التنفيذ ، طبعاً الخطوة دي كان ليها أثر في جذب شرائح أوسع وأكبر من العملاء اللي بيطلبوا البيتزا عن طريق التليفون .. ودا لأنهم بيلاقوا مزايا كتير منها :

إن الناس اللى مش بيحبوا يتكلموا كتير فى التليفون هيقدروا يطلبوا اللي هما عاوزينه من غير مشاكل لأنهم مش بيتعاملوا مع موظفين خالص ولا بيتكلموا فى التليفون .. غير كمان إن وجود "المنيو" أونلاين هيسهل على الشركة إنها تغيرها وتغير أسعارها من غير ما تتحمل تكلفة طباعتها كل شوية ده غير إن عملية كلها بقت Automation .. يعنى كل وظيفة أو خطوة هتتعمل بشكل أوتوماتيكى بالكامل .. ودا اللي خلا الموظفين يقضوا وقت أقل فى استقبال الأوردرات عن طريق التليفون .

أهم ميزة وفرتها عملية الطلب أونلاين هو تقليل نسبة الخطأ اللي بيحصل لما يتم الطلب بالتليفون .. الغلط هنا نسبته تكاد تكون معدومة إلا لو كان العميل نفسه هو اللى طلب أوردر غلط .

الشركة مستمرة برضه في إستقبال طلبات عن طريق التليفون لكن إختيار البيتزا المناسبة عن طريق الإنترنت أسهل كتير وبيناسب شريحة عملاء أكبر ، كمان دلوقتى بقى في مواقع مصرية كتير بتوفر الحل ده زى موقعOtlob.com وبيقوم بتقديم نفس الخدمة .

اللى نقدر نطلع بيه من قصة "بيتزا ماجيك" إنك لازم تعرف إن التسويق مش مجرد عملية دعاية وإعلان بس .. لأ .. من ضمن أهداف إدارة التسويق الرئيسية إنها تدور على راحة العميل وتشوف الأسهل والأكثر راحة ليه .. يعني ممكن تعمل زي المثال اللي فات عن طريق تصميم موقع وتوفير خدمة الطلب أونلاين منه بسهولة ويكون سهل الإستخدام .. في نفس الوقت يكون خيار الطلب عن طريق التليفون متاح .

 

لو عاوز تسوق صح شوف إيه اللي تقدر تقدمه لعميلك يسهل عليه حياته مش بس إنه يشترى منك .. كمان إنضم لينا في أكاديمية إعمل بيزنس وإشترك في دبلومة التسويق .. اللي بتحتوي على مجموعة كورسات منها :

- يعنى إيه تسويق

- إدارة التسويق

- دراسة السوق

- الخطة التسويقية

- سلوك المستهلك

 

وغيرها كتير من الكورسات الخاصة بالتسويق ، سجل بياناتك على اللينك ده http://bit.ly/academy-diplomas 

أو كلمنا على 16342

وخدمة العملاء هتتواصل معاك وتجاوبك على كل استفساراتك