صعوبة إيجاد الموظف الكفء والحفاظ عليه

أصعب تحدي بيواجه صاحب البيزنس مش توفير تمويل ولا فتح اسواق جديده....اصعب تحدي بيواجه صاحب البيزنس في مصر هو الحصول علي موظفين اكفاء والحفاظ عليهم .....طبعا موضوع البطاله وكلام الجرايد ده مش موجود علي الاطلاق مصر فيها نقص في الموارد البشرية وده مخلي ان كل يوم بيجي لكل الناس عروض كتير وبيخللي فيه سرعة دوران للموارد البشرية وده بياثر علي اي بيزنس مفتوح لدرجة ان فيه شركات بتقفل او بتاجل مشاريع توسعية بسبب ان مفيش موارد بشرية تقوم بالمشاريع دي وده انا عايش فيه كصاحب عمل وكل يوم بيجيلي عشرات شكاوي من اصحاب عمل فاكرين ان دي مشكله عندهم هما بس وانا بحاول اوصلهم ان دي مشكله عامه لدرجه خلت شركات عملاقه في مصر تستعين بشركات توظيف لانها بتعمل اعلانات كل يوم ومفيش حد بيتقدم للوظايف رغم اسم الشركة والاغراءات اللي هي بتقدمها 

المشكله دي واقع فيها كل الشركات من اول الشركه اللي فيه 3 موظفين لحد الشركات المالتي ناشونال ومن اول العمال لحد حملة الماجستير ....السوق لو عايز 10 موظفين فيه 5 بس وده مخللي ال5 دول بيجليهم كل يوم عروض فبيشتغلوا بدون تركيز او بيقعدوا في كل شركة مده بسيطه

طيب ايه الحل ؟؟؟ وازاي تخللي شركتك جاذبة للموظفين الاكفاء ؟؟؟ ده بقي محتاجله أكتر من مقال