فهيم افندى.. "الرجل الثاني"

 

النهاردة هنتكلم عن شخصية تانية من شخصيات مسلسل لن اعيش في جلباب أبى وارتباطها بعالم البيزنس، شخصية النهاردة هى "فهيم افندي " او زى ما بنسميه في عالم البيزنس والشركات "الرجل التاني" ودى شخصية موجودة في كل شركة أو بيزنس بنقابلهم في حياتنا وبيكون ليها صفات متميزة زى صفات فهيم أفندى و الصفات دى هى:- 

1- التفاني في العمل: فهيم افندى عمره ما طلب يوم أجازة حتى وهو تعبان كان بيرفض ياخد أجازة علشان عارف ان عبدالغفور كان بيثق فيه و بيستشيره فى كل قرارته وتقديراَ ليه ولمجهوده كان الـ Business Owner هو اللي بيضغط عليه ياخد أجازة.

 

2- بيفهم الـ Business Owner دايماَ وبيأيد قرارته أو بيرفضها علي حسب مدى تأثير القرار ده علي الشغل زى مساعدة فهيم أفندى لعبدالغفور فى كل المزادات وقراره الشهير بإنه يشتري طائرة. 

 

3- عمره ما اتأخر فى أىTask وكان دايماَ بيسلمها قبل الـ Deadline وده كان بيخليه الموظف المثالى بالنسبة لعبد الغفور. 

 

4- عمره ما كان ليه Job Description واضحة كان بيعمل كل حاجة في المسلسل من شراء وبيع وتخليص فواتير وكمان بيساعد عبدالغفور علي المستوى الشخصى. 

 

5- فيهم أفندى كان دايماَ راجل Formal فى لبسه وتعاملاته، لبسه دايماَ بدلة وبيعمل حساب أى حاجة هتواجهه وده كان بيخليه دايماَ شايل 4 أقلام علشان ينوع فى الإمضاءات ????

 

6- رغم ثقة الـ Business Owner المستمرة فيه الا انه كان دايماَ بيقدم كل المستندات والفواتير الخاصة بالشغل علشان عبدالغفور يقدر يرجعلها فى أى وقت.

 

لكن برغم كل المميزات اللى فاتت الإ ان كان فى عيوب واضحة للشخصية دى وهى عدم حبه للمغامرة و عدم تفكيره فى انه يبدأ مشروعه الخاص علي عكس تفكير رائد الأعمال "عبدالغفور البرعى" فى انه يحب هو يكون الـ Business Owner.