هتكلم النهارده في موضوع بسيط جداً لكن عدم فهمه بيسبب مشاكل ضخمه جداً وتأخر في حياتنا المهنيه عالي جداً ...

"فينجر مدرب فرنساوي" بيدرب فريق الأرسنال الإنجليزى بقاله 21 سنه وده رقم غريب جداً وممكن كان يبقي مقبول مع "السير أليكس فيرجسون" مدرب مانشستر يونايتد لإنه كان دائم الفوز بالبطولات إنما فينجر لم يحصل علي بطولة الدوري من سنة 2002 يعني من 14 سنه

طيب إيه اللي يخلّي فينجر مكمل في منصبه رغم إن الجماهير والنقاد والصحافة والناس كلها بتطالب بتغيره من أكتر من 10 سنين ؟؟؟

السبب ببساطه شديدة هو إنه بيحقق الهدف اللي الإدارة محدداه بنسبة 100% كل سنه !!!! طيب ازاي وهو لا يحصد البطولات ؟؟؟

الإجابة ببساطه إن هدف الإدارة واضح وهو "المكسب المادي" وعدم شراء لاعبين بمبالغ كبيرة وفي نفس الوقت المشاركة في دوري أبطال اوروبا كل سنه لأنه بيحقق مكسب مادي كبير للنادي وده اللي خلّي الأرسنال الفريق الوحيد في إنجلترا اللي بعيد عن الأزمات المالية وكمان بيكسب كويس جداً رغم إنه مبيحققش أى بطولات لأن المكسب المادى ليس له علاقه بالبطولات بدليل إن ريال مدريد في ميزانية 2015 كسبان أكتر من برشلونه رغم إن الريال لم يحقق أي بطولة وبرشلونه محقق 5 بطولات ..

إذن الموضوع واضح جداً الإدارة حاطه هدف وهو "المكسب المادي" وحطت مبدأ (نحن لا نشتري النجوم بل نصنعهم) و"أرسين فينجر" بيحقق الهدف ده عن طريق جلب لاعبين مغمورين وبيعهم لفرق كبرى زي "هنرى وفابريجاس لبرشلونه" و"سمير نصري لمانشستر يونايتد" بمبالغ تفوق الأربعين مليون دولار لكل واحد وده تم مع عشرات اللاعبين ..

يبقي إذن فيه طريقة الإدارة العليا بتقيم بيها أداء المدير وفية طريقة باقي الناس بتقيم بيها أداء المدير ومن هنا يأتي التضارب والإستغراب إن إدارة الأرسنال بتجدد كل سنه لفينجر والناس كلها شايفه إنه المفروض يمشي !!!! طيب ده إيه علاقته بطلبه و إحنا نستفيد إيه بكل ده ؟؟؟

ده اللي هانتكلم فيه في مقال قادم إن شاء الله