هنكمل الجزء التانى من قصة أمل حسن المتخصصة فى الكوتش والإستشارات

الخلاصة

- إنت كصاحب بيزنس على المستوى الشخصى :

- لاتتوقف أبدًا عن العمل فهو مصدر الخبرة ولكن إعمل بذكاء ولاتخجل أبدًا من عمل طالما حلال ولاتتراجع من فشل .

- علاقتك بربنا وبر الأهل شىء أساسى (رفض والدى فنون جميلة ودخلت علوم كارهة ولكنها علمتنى الكثير واستفدت منها الكثير مال وعلم)

- أن تكون مسؤلياتنا قبل رغباتنا (لما تركت حلمى بعمل أحبه وركزت فى تربية الأبناء كانت النتيجة خبرات علمية وعملية و صدر لى كتاب)

- إن المشروعات التى تنم فقط عن الهواية والمزاج وعدم وجود خبرة مصيرها الفشل (حلم الفنون الجميلة) مع إنى أستثمرها جيدًا الآن .

- لما تكتشف بالصدفة موهبة جواك تشبث بها وكبرها وحولها لفلوس وطورها (لما اكتشفت مهاراتى بالبيزنس)

- حط نفسك بين ناس ناجحة وكريمة واستفيد وفيد واقتل البخل .

- الهيبة ياباشا : هيبتك راس مالك الأول وقيمتك ورصيدك وكيانك كله .

- لازم يكون عندك خطة أساسية للعمل وخطة طوارئ مستخبية وخطط بديلة وتعرف كل صغيرة فيها ممكن تعملها أو ريح مخك وحد يعملها وكفاية إنت تنفذ وتغير وتدير .

- رصيدك من البشر ناس شايلهم فى دماغك من ورا لوقت المصايب دول أهم من الرصيد .

- العفو عند المقدرة ولا تستهلك دماغك فى عداوات فقط علم عليه وحول المحنة لمنحة كما نقول (لما اتنازلت عن المحضر لكن تأكدت من براعتى وفتحت فرع جديد وكان سبب لدعاية وأرباح )

- طول الوقت فى السوق إكسب مساندين وقدم خدمات هاتلاقى معاك رصيد أهم من الفلوس رصيد البشر أهم من البنك بس مش أى بشر ودا موضوع ممكن نشرحه بخطوات .

- إلغى نظرية الدماغ الواحد دى وابنى فريق عمل لأنهم أهم ما فى المشروع .

- طالما اكتشفنا العمل اللى بنحبه فاجرى بسرعة على العلم وخاصة الصحيح واربط نفسك بيه وبناسه وهانشرحها كويس .

* أسرتك وحياتك العائلية

- ده فريقك الأول قبل فريق المشروع تديرهم كويس جدًا ودماغهم تتسستم على دماغك لأنهم سبب رئيسى لفشلك أو نجاحك اللى تعبان فى بيته بيتأخر نجاحه أو يفشل .

- لو مش بيفهموا فى شغلك سيبهم براحتهم ماتحاولش تضايقهم لكن خليهم فى الصورة .

الخلاصة :

إن الاستقرار الأسرى رقم واحد ابذل فيه مجهود هاتلاقى أحلى نتيجة فى البيت والشغل ودا بقه ليه كورسات ممتعة بتعلمك حاجات وفنون كتير تحطهم فى جيبك بدل مايتطنططوا على كتفك زى القرود ويعطلوك