هنتكلم النهاردة عن قصة نجاح ماركة عالمية فى مجال الموضة .. وتقريباً مفيش ست ما تعرفهاش

قصة نجاح النهاردة هى "ديور" .. تعالوا نعرف حكايتها ايه ..

البداية كانت عند مصمم الأزياء الفرنسى "كريستيان ديور" واللى يعتبر العقل المدبر لطريقة ارتداء النساء لملابسهم وابتكارها بتصميمات مختلفة وعصرية جداً، تصميمات ديور غيرت حرفيًا وجه الأزياء والموضة وده تحديداً كان بعد الحرب العالمية التانية وطبعاً مستمرة لغاية النهاردة .

"كريستيان ديور" كان بيميل للأزياء والموضة من صغره لحد الشغف وده أدى إلى إنشاء العلامة التجارية "كريستيان ديور" .. لكنه قبل ما ينشئ براند "كريستيان ديور" اشتغل مع مصممين أزياء مشهورين زى "روبرت بوجيت" و"لوسيان لولونغ" وكان أول تصميم لديور بمثابة تحفة فنية لدرجة إن زوجات الظباط الألمان النازيين بدأوا يتابعوا تصميمات "كريستيان ديور" فى الأربعينات وبدأوا يُعجبوا بلمسته الفنية وده كان ليه أكبر الأثر فى تأسيس العلامة التجارية، وبقى ليها شعبية كبيرة جداً فى وقت قليل

قدم "ديور" أول تشكيلة من الملابس وكانت باسم "المرأة الزهرة" وظهر فيها بوضوح جرأة وأناقة التصميمات واستمرعلى نفس الخط ده من الأناقة لمدة 20 سنة ونقدر نقول انه قدر فى الفترة دى من التحكم فى الموضة العالمية من خلال التصميمات الغير تقليدية اللى بتتقدم .

تصميمات "ديور" ساهمت فى جعل باريس عاصمة الموضة فى العالم وبدأت فى التوسع فى جميع أنحاء العالم مع التركيز على الولايات المتحدة كأكبر سوق .

"ديور" ما اكتفاش فقط بالأزياء لكنه اتجه للعطور وطبعاً عملت ثورة زى الملابس بالظبط .. لكن المرة دى اللى اهتم بالعطور هى أخته وقدرت انها توصلها للعالمية زيها زى الملابس بالظبط من خلال التطوير المستمر واضافة العطور المميزة لتشكيلة ديور باستمرار طبعاً وصلت لدرجة شهرة وشعبية كبيرة جداً واتضاف ليهم بعد كده مستحضرات التجميل وخطوط أحذية ( سيطرة على الموضة العالمية )

استمر نجاح "ديور" فى تقديم الجديد فى عالم الموضة لغاية وفاته سنة 1997 وتولى "ايف سان لوران" و"مارك بوهان" مسئولية العلامة التجارية "كريستيان ديور" وبدأوا فى وضع لمساتهم الفنية بشكل فريد وتزامن ده مع صعود نجم مصمم جديد هو "جون جاليانو" واللى قدر انه يعيد تصميمات "ديور" المجنونة فى الخمسينات والستينات .

على الرغم من وجود العديد من ماركات الأزياء فى العالم لكن "كريستيان ديور" تعتبر الماركة المفضلة فى العالم كله .

ممكن الشغف بعملك وحبك ليه يوصلك للعالمية وفى نماذج مصرية وعالمية كتير كانت شغوفة بعملها وقدرت انها تحقق نتايج كبيرة