كاميرون جونسون .. من أنجح رواد الأعمال فى العالم

بدأت قصة كاميرون جونسون وهو عنده 11 سنة لما طلب منه أهله عمل كروت دعوة عشان حفلة جيرانهم .. وفعلًا صمم الكروت ووداها لجيرانه والطريف فى القصة إن كل المدعوين كان عندهم إعجاب كبير بتصميمات كاميرون للكروت ومن هنا كانت البداية

طلبوا منه إنه يعملهم الكروت الشخصية بتاعتهم مقابل أجر وبالفعل صمم لهم الكروت وبدأت شهرته فى تصميم الكروت تزيد وإعجاب الناس بيها كمان كان بيزيد لغاية أما فتح شركته الخاصة وهو فى سن ال 14 بإسم “Cheers and Tears” وإتنقل بعد كده للعمل فى مجال الدعايا على الإنترنت وتطوير البرمجيات .. طبعًا هو هنا بدأ يصقل موهبته بالعمل فى مجال مرتبط جدًا بموهبته .

بعد إلتحاقه بالجامعة وصل الأجر الشهرى لكاميرون جونسون ل400.000 ألف دولار شهريًا وأصبح مشهور فى أمريكا بإنه من أنجح رواد الأعمال فى العالم .

تقدروا تتعرفوا أكتر على قصة كاميرون جونسون من هنا

http://www.cameronjohnson.com/

نقدر نستفيد من القصة دى إن كاميرون كان بيحب الرسم والتصميمات ومن خلال حبه لهوايته وتطويره وصقله ليها قدر إنه يوصل للنجاح ده فى عمر مبكر جدًا ..

هنكرر المفهوم ده كتير هنا .. اشتغل اللى بتحبه وإبدع فيه وما تخافش من تجربة أى شئ جديد وربنا هيكرمك