الرئيسية
تسجيل الدخول
كيفية التخلص من ادمان العمل
كيف يمكنك إنشاء عروض تقديمية مقنعة تبهر زملائك وتثير إعجاب مديريك؟ اكتشف ذلك من خلال دليلنا المتعمق حول العروض التقديمية لتجربة المستخدم.
إنت أقوى من مديرك المدمن على العمل
كتير مننا ممكن يكون عنده إدمان على حاجة معينة، حد ممكن يكون مدمن على الشيكولاتة، وحد تاني مدمن على الشوبينج، وفيه بقى نوعية مختلفة خالص بتكون مدمنة على الشغل وبنسميهم "workaholic".
التعامل مع النوعية دي من الناس بيكون صعب وبتكون الأزمة أكبر لما يكون مديرك منهم ودايما متوقع إنك لازم تكون مدمن على الشغل زيه، فتلاقيه أول واحد بيجي الشغل وآخر واحد يمشي منه، وطول النهار والليل عمال يبعتلك إيميلات وهاريك تليفونات ويكوم على دماغك شغل ملوش أول من آخر ويطلب منك إن كله يخلص مش بكرة مثلا لا إمبارح.
المدير لما بيكون workaholic ده غالبا بيكون معناه إنك هتشتغل لساعات طويلة وأكتر من الطبيعي وهتضحي بوقتك الشخصي وإجازاتك عشان تقدر تحقق كل اللي مديرك طالبه منك، وفي الحقيقة الكلام ده مش لازم يحصل لأنه مش هينتج عنه غير إنك هتنهار في النهاية أو دايما هاتبقى حاسس بالقلق والإرهاق النفسي والجسدي كمان.
وأكيد محدش عايز يوصل للمرحلة دي عشان كده لازم تبدأ تاخد إجراء تمنع بيه الكلام ده، خاصة لو فعلا كنت دايما عايش في خوف من انتقاد المدير ليك أو حاسس بالتعب لأنك بتشتغل بشكل إضافي طول الوقت، وعشان تعرف تتعامل مع مديرك المدمن على الشغل وتمنعه من إنه يحولك لشخص زيه، ففي مجموعة حاجات من المهم إنك تعملها زي مثلا:
• اعرف حدود قدراتك: في بداية أي شغل إحنا ممكن نبقى حاطين أهداف لنفسنا عايزين نحققها والجدول الزمني اللي هنمشي عليه، لكن بعد فترة في الشغل ممكن تلاقي نفسك مسحول في مليون تاسك كل واحد له أولوية أكتر من التاني، في اللحظة دي بيكون من المهم إنك تكون واقعي مع نفسك ومع اللي تقدر تعمله وهل ده في صالحك ولا لا؟
• حط حدود للشغل وللتوقعات: متخافش إنك تشارك فلسفتك في الشغل مع مديرك واللي منها هتقدر تحط حدود مينفعش يتم تخطيها، فلو كنت لسه بادئ شغل جديد أو حاسس إنك غرقان في الشغل، اطلب اجتماع مع مديرك عشان تتكلم معاه عن جدول المهام بتاعك، وحاول في الميتينج ده متكونش اجريسيف وابدأ الحوار بشيء إيجابي وبعدها اطرح مشكلتك مع أمثلة حديثة وفي الآخر حط مثال إيجابي تاني، الاجتماع ده مهم لأن المدير المدمن على الشغل ممكن ينسى أصلا كمية الشغل اللي مديهالك من كتر تركيزه على إن الشغل يكون خلصان وخلاص، عشان كده لو حاسس بالإرهاق اطلب من مديرك مراجعة مهامك وتحديد الأولويات فيها.
• التزم بالحدود اللي أنت حاططها: في وقت معين ممكن تحتاج تشتغل لساعات أكتر أو في الويك اند عشان الشغل يخلص وده شيء متوقع إنه يحصل ومن المهم وقتها إنك تكون مرن، لكن وحط تحت لكن دي 100 خط، أما تقرر تعمل كده لازم مديرك يعرف إن ده استثناء عشان المشروع مهم ولازم يخلص لكنها مش قاعدة هتمشي عليها أبدا.
• ظبط مستوى إنتاجيتك: في نوعية من المديرين المدمنين على الشغل لو جيت تكلمه عن حجم الشغل وكميته هيقعد يحسسك إنك كسول ومش عايز تشتغل، وعشان تقضي على أفكاره دي لازم تبينله إنك تقدر تخلص شغلك في أوقات العمل الرسمية، فبمجرد ما تدخل الشغل لازم تنظم وقتك وتخلص كل المهام اللي عليك واحد ورا التاني عشان تقدر تثبت للمدير إن جدول الشغل المتوازن ده مش معناه إنتاجية أقل.
• اعرف امتى تشد الحبل وامتى ترخيه: لو مشيت على الخطوات اللي فاتت ممكن تحصل حاجة من اتنين: إما إنك تلاقي المدير استجاب وبقيت تشتغل على جدول مهام تتفق عليه انت ومديرك وبالتالي العلاقة ما بينكم هتكون متناغمة، أو هتلاقي إن مفيش حاجة هتتغير وإن متطلبات الشغل والمدير مش متوافقة معاك ومع قدراتك ورده على اقتراحاتك دايما بـ "لا"، هنا لازم تتحرك لأقرب فرصة متاحة قدامك وساعتها هتكون عارف انت محتاج إيه في شركتك ومديرك الجديد.
إنك تشتغل مع مدير مدمن على الشغل ده مش نهاية العالم ولكنه بداية لفرصة عظيمة تقدر تستكشف من خلالها حدود قدراتك وتعرف تعمل التوازن المناسب في حياتك الشخصية والعملية وكمان هتعرف تقرر هل الاستمرار في الوظيفة مناسب ليك أو من الأفضل تسيبها وتروح لشركة ومدير تاني مناسب لطريقة شغلك وبيحترموا ال Work life balance.
كتير مننا ممكن يكون عنده إدمان على حاجة معينة، حد ممكن يكون مدمن على الشيكولاتة، وحد تاني مدمن على الشوبينج، وفيه بقى نوعية مختلفة خالص بتكون مدمنة على الشغل وبنسميهم "workaholic".
التعامل مع النوعية دي من الناس بيكون صعب وبتكون الأزمة أكبر لما يكون مديرك منهم ودايما متوقع إنك لازم تكون مدمن على الشغل زيه، فتلاقيه أول واحد بيجي الشغل وآخر واحد يمشي منه، وطول النهار والليل عمال يبعتلك إيميلات وهاريك تليفونات ويكوم على دماغك شغل ملوش أول من آخر ويطلب منك إن كله يخلص مش بكرة مثلا لا إمبارح.
المدير لما بيكون workaholic ده غالبا بيكون معناه إنك هتشتغل لساعات طويلة وأكتر من الطبيعي وهتضحي بوقتك الشخصي وإجازاتك عشان تقدر تحقق كل اللي مديرك طالبه منك، وفي الحقيقة الكلام ده مش لازم يحصل لأنه مش هينتج عنه غير إنك هتنهار في النهاية أو دايما هاتبقى حاسس بالقلق والإرهاق النفسي والجسدي كمان.
وأكيد محدش عايز يوصل للمرحلة دي عشان كده لازم تبدأ تاخد إجراء تمنع بيه الكلام ده، خاصة لو فعلا كنت دايما عايش في خوف من انتقاد المدير ليك أو حاسس بالتعب لأنك بتشتغل بشكل إضافي طول الوقت، وعشان تعرف تتعامل مع مديرك المدمن على الشغل وتمنعه من إنه يحولك لشخص زيه، ففي مجموعة حاجات من المهم إنك تعملها زي مثلا:
• اعرف حدود قدراتك: في بداية أي شغل إحنا ممكن نبقى حاطين أهداف لنفسنا عايزين نحققها والجدول الزمني اللي هنمشي عليه، لكن بعد فترة في الشغل ممكن تلاقي نفسك مسحول في مليون تاسك كل واحد له أولوية أكتر من التاني، في اللحظة دي بيكون من المهم إنك تكون واقعي مع نفسك ومع اللي تقدر تعمله وهل ده في صالحك ولا لا؟
• حط حدود للشغل وللتوقعات: متخافش إنك تشارك فلسفتك في الشغل مع مديرك واللي منها هتقدر تحط حدود مينفعش يتم تخطيها، فلو كنت لسه بادئ شغل جديد أو حاسس إنك غرقان في الشغل، اطلب اجتماع مع مديرك عشان تتكلم معاه عن جدول المهام بتاعك، وحاول في الميتينج ده متكونش اجريسيف وابدأ الحوار بشيء إيجابي وبعدها اطرح مشكلتك مع أمثلة حديثة وفي الآخر حط مثال إيجابي تاني، الاجتماع ده مهم لأن المدير المدمن على الشغل ممكن ينسى أصلا كمية الشغل اللي مديهالك من كتر تركيزه على إن الشغل يكون خلصان وخلاص، عشان كده لو حاسس بالإرهاق اطلب من مديرك مراجعة مهامك وتحديد الأولويات فيها.
• التزم بالحدود اللي أنت حاططها: في وقت معين ممكن تحتاج تشتغل لساعات أكتر أو في الويك اند عشان الشغل يخلص وده شيء متوقع إنه يحصل ومن المهم وقتها إنك تكون مرن، لكن وحط تحت لكن دي 100 خط، أما تقرر تعمل كده لازم مديرك يعرف إن ده استثناء عشان المشروع مهم ولازم يخلص لكنها مش قاعدة هتمشي عليها أبدا.
• ظبط مستوى إنتاجيتك: في نوعية من المديرين المدمنين على الشغل لو جيت تكلمه عن حجم الشغل وكميته هيقعد يحسسك إنك كسول ومش عايز تشتغل، وعشان تقضي على أفكاره دي لازم تبينله إنك تقدر تخلص شغلك في أوقات العمل الرسمية، فبمجرد ما تدخل الشغل لازم تنظم وقتك وتخلص كل المهام اللي عليك واحد ورا التاني عشان تقدر تثبت للمدير إن جدول الشغل المتوازن ده مش معناه إنتاجية أقل.
• اعرف امتى تشد الحبل وامتى ترخيه: لو مشيت على الخطوات اللي فاتت ممكن تحصل حاجة من اتنين: إما إنك تلاقي المدير استجاب وبقيت تشتغل على جدول مهام تتفق عليه انت ومديرك وبالتالي العلاقة ما بينكم هتكون متناغمة، أو هتلاقي إن مفيش حاجة هتتغير وإن متطلبات الشغل والمدير مش متوافقة معاك ومع قدراتك ورده على اقتراحاتك دايما بـ "لا"، هنا لازم تتحرك لأقرب فرصة متاحة قدامك وساعتها هتكون عارف انت محتاج إيه في شركتك ومديرك الجديد.
إنك تشتغل مع مدير مدمن على الشغل ده مش نهاية العالم ولكنه بداية لفرصة عظيمة تقدر تستكشف من خلالها حدود قدراتك وتعرف تعمل التوازن المناسب في حياتك الشخصية والعملية وكمان هتعرف تقرر هل الاستمرار في الوظيفة مناسب ليك أو من الأفضل تسيبها وتروح لشركة ومدير تاني مناسب لطريقة شغلك وبيحترموا ال Work life balance.
أعمل بيزنس