FB Instagram Twitter Youtube Linkedin
920033973
16342
  • المدونة
  • علوم إدارة
  • كيف تجعل شركتك جاذبة للموظف المثالي ج2
article

كيف تجعل شركتك جاذبة للموظف المثالي ج2

August 25, 2022    

من 10 سنين كان ليا صديق عنده مشروع عبارة عن مشغل تطريز بيشتغل مع المصانع وكان بدأ يتوسع وياخد شغل كبير ومربح لأنه كان بيجيب أفضل ماكينات وبيتبع نهج تسويقي قوى لكن كان عنده مشكلة كبيرة كانت بتمنعه من التوسع وأحياناً بتأخره عن تسليم شغله في مواعيده وبنفس الجودة اللي كان بيطمح ليها ألا وهي العمالة

الموضوع كان باختصار (من وجهة نظره) إن العاملات في المكان ليس عندهم أى إنتماء للمكان وبيأدوا شغلهم بشكل روتيني وبيتباطئوا في أداء المهام لدرجة إنهم كانوا بينتهوا من الشغل ويخبوه تحت رجلهم علشان مياخدوش شغل تاني لدرجة إن المشرفين كانوا بيعدوا يسحبوا الشغل اللي تم الإنتهاء منه من تحت رجلهم ويدوهم شغل تاني ووصل بيهم الأمر (وده على لسان صديقي) إن النور لما يقطع كان بيسمع كلمه (هييييه) وده كان بيحبطه جداً وشايف إن ده هو أكبر عائق في سبيل تقدم شغله .... كان رأينا إنه لازم يبقى فيه حافز مادي واضح يميز المجتهد والكسول لأن لو كلنا بنتعامل نفس المعاملة وكلنا بناخد نفس الراتب إيه الدافع اللي يخلي واحد يجتهد والتاني لأ ؟؟؟

فقلنا لو انت الراتب مثلا ألف ج (الأرقام للتوضيح) فلازم الرقم ده يبقى 1500 طبعاً الراجل فوجيء إننا بنطلب منه زيادة وهو بيشتكي من عدم إجتهادهم .... فوضحناله إنه ال 1500 هيبقى في 750 ج ثابتة و 750 ج ليها علاقه بعدد معين من الغرز (دي الوحده المطلوبة في مهنة التطريز) اللي كل واحدة هتعملهم وليكن مثلا 10 آلاف غرزة واللي هتعمل مثلا 5 ألاف غرزة هتقبض 750 ثابت + 375 يكون المجموع 1125 ج والمجتهدة هتقبض 1500 ج ولو زادت عن 10 ألاف غرزة يعني عملت مثلا 12 ألف يبقى تاخد 1500ج + مكافأه عن الألفين غرزة إضافية

الفكرة الأساسية هي تمييز المجتهد عن غير المجتهد وإعطاء رسالة للجميع إن المكان بيقدر المجتهد جداً وغير المجتهد هيبقى موجود لكن فيه فرص لن يحصل عليها وكل شهر هيلاقي زميله أو صاحبه بيشتغل نفس عدد ساعات العمل لكن بيقبض أكتر منه فيحاول إنه ينتج نفس إنتاجه ودي فكرة مهمة أيا كان طبيعة عمل شركتك أو مصنعك لازم توجد حافز لكل الموجودين على أدائهم لأن الأداء عدوى لو قدرت تحفزهم هيبقى فيه عدوى النشاط ولو فشلت إنك تحفزهم هيبقى فيه عدوى الفشل ... ولازم تخلي بالك إن موظفك هو شريكك فلازم في أي توسع تبقى ضامن إنه جاهز حتى لا تدفع تكاليف التوسع وتفشل

المهم ناتج تنفيذ الفكره إن 25% من العاملات قدموا إستقالتهم بمجرد عرض الفكرة عليهم لأنهم فكروا فقط إن الراتب الثابت أو المضمون تم تقليله من 1000ج ل 750 ج لكن الباقيين قدروا إنهم يعوضوا غيابهم ويكبروا المكان وقدر صديقي يتوسع بشكل قوى وكان بيحكيلي بعد فترة إن العاملات بيتخانقوا مع قسم التسويق علشان يجيبلهم شغل زيادة وأصبح لما النور بيقطع بيسمع كلمة (ييييييه)


مقالات مشابهة

المزيد
من اسباب نجاح البيزنس العمل في صمت
من اسباب نجاح البيزنس العمل في صمت

كلنا تابعنا الإنجاز التاريخي اللي حققه منتخب ناشئ

كيف تجعل شركتك جاذبة للموظف المثالي ج1
كيف تجعل شركتك جاذبة للموظف المثالي ج1

أكيد كلنا دخل مكان زي مطعم أو بنك ولقى العاملين اللي

الأكثر قراءة

المزيد
أنواع الشركات التجارية في القانون المصري: 3 أنواع رئيسية و6 فرعية
أنواع الشركات التجارية في القانون المصري: 3 أنواع رئيسية و6 فرعية

نظرًا لكثرة أنواع الشركات التجارية في القانون المصري

خصائص شركات التضامن
خصائص شركات التضامن

شركات التضامن هي إحدى أنواع شركات الأشخاص، وهي

الهيكل التنظيمي والوصف الوظيفي: الخصائص والأهمية 
الهيكل التنظيمي والوصف الوظيفي: الخصائص والأهمية 

تعد عملية إدارة الأعمال عملية معقدة ومتشابكة الأطراف؛

السلامة والصحة المهنية: مفهومها وأهم 4 استراتيجيات فيها
السلامة والصحة المهنية: مفهومها وأهم 4 استراتيجيات فيها

إجراءات الأمن والسلامة والصحة المهنية من الأساسيات

صفات المدير الناجح: 20 مهارة لا يجب إهمالها
صفات المدير الناجح: 20 مهارة لا يجب إهمالها

يعد المدير هو رأس العملية الإدارية ودفة الميزان لنجاح

تعرف على أهم التحديات التي تواجه الموارد البشرية وآلية التغلب عليها
تعرف على أهم التحديات التي تواجه الموارد البشرية وآلية التغلب عليها

تعتبر إدارة الموارد البشرية من أصعب أنواع الإدارات

كيفية إعداد شيت حسابات بسيط للمشاريع الصغيرة والمتوسطة؟
كيفية إعداد شيت حسابات بسيط للمشاريع الصغيرة والمتوسطة؟

تكمن أكبر مشاكل أصحاب المشاريع الصغيرة والمتوسطة هو

يعني إيه سيستم؟ .. ج1
يعني إيه سيستم؟ .. ج1

كنت في تدريب الأسبوع الماضي وسألت الحاضرين في التدريب