إيه هو فوات الكسب؟

في الفترة اللي فاتت وصلتلنا أسئلة كتير عن مواضيع مختلفة لكن لاحظنا ان في موضوع ناس كتير مش عارفة ايه هو ولا بيعمل إيه اصلا وهو "فوات الكسب"، علشان كده قررنا نتكلم عنه النهاردة بشكل مبسط.

طيب يعني ايه فوات الكسب؟؟

جملة "فوات الكسب" من الكلمات نادرة الانتشار لكن لو جيت عملت بحث على جوجل هتعرف ان معناها هو "التعويض عن تفويت الفرصة" أو "الكسب الفائت" وكل الكلام ده مظبوط بس علشان تفهم المعنى هنوضحه بمثال صغير..

لو انا بمتلك شركة عقارات ومرتبط بميعاد تسليم مبنى هكسب فيه 2 مليون جنيه والراجل اللي هيوردلي الحديد إتأخر عليا وبالتالي انا إتأخرت في تسليم المبنى وبكده ضاع عليا المكسب!

طب يا ترى ايه اللى ممكن أعمله عشان أتجنب فوات الكسب؟

الحل من وجهة نظري هو انك قبل ما تتعاقد مع اي مؤسسة على توريد أي شيء لازم تتفق معاهم على وضع شرط جزائي أو بعض البنود المتفق عليها من الطرفين في حالة تأخير السلعة اياً كان ايه نوعها (خدمة إنترنت أو توريد حديد عشان تبني أو توريد سيارات لمعرض) الخ... لتجنب خسارة الطرفين.