(1)

الحلقة دى وقفة تحليلية وتقيمية قبل ماندخل مدرسة البيزنس الحلقة القادمة عشان نحدد إحنا ماشين صح وبنحقق هدفنا ؟

ودى أيضًا حاجة كلنا لازم نعملها فى حياتنا دايمًا كل فترة تقف وتحلل وتقيم وتشوف إنت محتاج إيه تعديل أو تطوير ولا إيه بالظبط ولذلك عملت حصر سريع لأشياء بسيطة من الحلقتين السابقتين و لاحظت الآتى :

تنوع احتياجات الناس على الصفحة وتفاوت أعمالهم فمثلاً :

- إن الناس إما لسة بيدوروا على فكرة لكن عندهم الحماس والرغبة فى عمل بيزنس .

- إما ناس بتشتغل والدنيا عندهم متداخله فى بعض .

- إما ناس كانت ناجحة وبدأ مستوى نجاحهم يقل .

- و ناس قفلت وبتحاول تفتح تانى .

- وناس شغالة وبتحاول وطالبين تطوير .

من الآخر كل واحد عنده مشكلة مختلفة عن التانى ودا حصل لأنهم اشتغلوا بطريقة اجتهادية دون استخدام العلم أو حتى استشارة من لديهم العلم وأنا كنت زيهم فى بداية حياتى .

و الحل المشترك للجميع إننا نمشى بخطوات منظمة توصلنا فى النهاية للاحتراف كأننا بناخد خلاصات دراسية ممزوجة بخبرة عملية من السوق ودا هايتم بمدرسة البيزنس إن شاء الله ومش عايزين بس دعواتكم إن ربنا يرضى عنا .

(2)

التعليق على الحلقتين السابقتين :

1 - البعض لم يفهم أحد المصطلحات وهنا هنقوله إنت عليك دور فى تثقيف نفسك واحنا معاك فى تفتيح الأمور وتبسيطها وعرضها .

2 - وهنرجع الأجزاء اللى كان عليها نقاش كتير :

نقطة رقم 9 اجعل رسميًا ربنا شريك فى المشروع بمبلغ منتظم سواء أسبوعيًا أو شهريًا .

هاقول هنا خلاصة تخلينا مربطوين بربنا دون أن ننسى لإن عارفة إن ناس كتير ملتزمة ولكن النسيان مشكلة .

- كل يوم ورد من القرآن 20 صفحة بياخد دقايق فقط .

- كل أسبوع لو حبيت تصوم اتنين وخميس طاعة ورضا وكمان ريجيم ورشاقة وأيضًا صحة ونفذها مع صحبك أو حد تحب يجمعك بيه أى نشاط سواء من الأهل أو الأصدقاء .

- كل شهر خصص مبلغ يروح لخدمة استيراتيجيه يعنى تجيب أدوات حرفة لواحد أو نساعد واحدة بتربى أولادها بإنك تجيبلها بداية رزق بسيط أو تحل مشكلة زواج الأمثلة كتيرة المهم تتفقد العمل ومكانه .

نقطة رقم 10- من أول خطوة بالمشروع خطط ونفذ بشكل احترافى لبناء براند لمشروعك

لازم تعرف وتشتغل من أول يوم بالمشروع إنك تعمل علامة تجارية وصدقنى دا هايريحك كتير وأقصر الطرق هى المستقيمة .

- اتبع التسويق بطريقة احترافية والادارة بطريقة علمية تنفيذية إلى آخره .

- خلى إسمك فى الأعمال التطوعية والخيرية .

وهاشرح الجزء دا بالكامل فى موضعه من مدرسة البيزنس .

تمنياتنا بالتوفيق للجميع

تابعوا معانا الحلقة القادمة سنة أولى فى مدرسة البيزنس ومفاجأة هاتفيد الكل انتظروها

===========================================

ا/أمل حسن

مستشارة إعمل بيزنس فى مجال الcoach والإستشارات