"نستله".. الشركة ف خدمة الشعب

 

طبعاً معظمنا استغرب من أسم البوست بس دة فعلاً اللي كانت بتعمله شركة نستله وهو "خدمة الشعب".. شركة نستله هي واحدة من الشركات في العالم في مجال الاغذية المشروبات وبتتيح مجموعة كبيرة جداً من المنتجات لتغطية كل اذواق العملاء زى المياه المعدنية، اللبن، القهوة، القمح المبشور، الباستا، ومنتجات الاطفال الرضع.

 

 

طور هنري نستله أول منتج للأطفال الرضع في عام 1867 لانقاذ حياة ابن صديقه لانه غير قادر على إيجاد طريقة لإطعام طفله لظروف ما ومن هنا جتله الفكرة وقرر هنري نستله تقديم المنتجات المستهدفة للأطفال وغيرها أو بمعنى اخر اكتشاف طلبات العميل والاستجابة لمتغيرات السوق.

 

توفير نستلة لاحتياجات العملاء خلاهم يسبقوا كل الشركات التانية لانها بتراقب إحتياج وإتجاه العملاء نحو المنتجات وبتراقب متطلباتهم اليومية من خلال عمل أبحاث سوقية مستمرة، نستلة بتعتمد على نوعين من الابحاث.

 

 

شركة نستله في البحث ده كانت بتركز على فئة معينة أو مجموعة مستهدفة زى الفنانين أو الرياضيين وكانوا بيتكلموا عن العادات والتقاليد وحياتهم الغذائية الرياضية وانظمة التدريب وبعد كدة بيتكلم عن إعجابه بالجودة العالية للمنتج ونصيحتهم للجمهور العادى بتجربة المنتج. 

 

 

طبعاً عشان البحث الاول كان بيهتم برأي فئة معينة من المستهلكين، نستله ركزت في البحث الكمي على أعداد كبيرة من الناس من خلال إجراء المقابلات في الشارع أو استخدام الهاتف والبريد..

 

نستله اهتمت باراء المستهلكين وجميع الاذواق لان دة كان بيساعد الشركة في الابحاث وبيخليهم على اتصال مع تفكير العملاء وتغيير أنماط الشراء وطبعاً الابحاث دي محتاجه مصاريف وعلشان كده نستله قررت إنها تصرف على أبحاث التطوير الخاصة بيها اكتر من اي شركة تانية لتحسين جودة المنتج.

 

وبناءً على كدة قدرت شركة نستلة تحدد خططها طيلة الأمد ودى اللى اتضح فى جملة المدير التنفيذى للشركة.

"نريد أن ننمو من شركة الأطعمة المحترمة والجديرة بالثقة التي أصبحنا نعرفها الآن، إلى شركة محترمة وجديرة بالثقة في مجال الأغذية والتغذية والعافية" 

 

ودة بيوضحلنا ان شركة نستله مهتمه طول عمرها التغذية والعافية والصحة.

 

هنري نستله كان اهم حاجة عنده رضاء العميل وعشان كدة وضع ثلاث قواعد استراتيجية لبيئة العمل في شركتة لضمان جودة المنتج الصحية وهم: 

 

1- الملائمة البيئية: استخدام الادوات والاجهزة التقنية الحديثة التي تجعل المنتجات صحية اكتر للعميل فكانت نستله بتوفر كل شىء امن للعمال عشان يقدروا يقدموا منتج امن للعملاء ودة طبعاً لان الشركة تهدف الي خدمة العميل وصحته.

 

2- الملائمة القيمة: نستله دايماً مهتمه بصحة العميل واهمية القيمة الغذائية للعملاء اكتر من اهتمامهم من بيع المنتجات والاهتمام بالارباح،على سبيل المثال نستله دايماً كانت بتابع مع عملائها في التليفون وبتوضحلهم ضرورة شرب المياة اكتر 2 لتر في اليوم وتوعية الناس في استهلاك الغذاء ده غير النصائح الطبية من خلال الرسائل وكانت بتعمل حملات إعلانية للاطفال على ضرورة تناول الوجبات الاساسية لانها أهم من الاطعمة الخفيفة مثل منتجات الزبادي.

 

3- ملائمة الموارد: من الاساسيات لأي شركة إنها تكون قادرة على تحسين منتجها وشركة نستله مميزة جداً في هذه النقطة من خلال امتلاكها قاعدة علمية وتكنولوجية كبيرة لتطوير وتحسين المنتجات وده اللى خلاها اكثر امناً للعملاء ودة هيعود لشركة نستله في قوة العلامة التجارية.

 

نادر جداً إنك تلاقي شركة بتلبي طلبات العميل وبتسعى لراحته وبتحقق طلبه قبل ما يطلبه بس نسلته عملت كدة وإهتمت بالعميل وصحته قبل التفكير في ربح الشركة وفي الاخر ده هيعود على قوة العلامة التجارية الخاصة بيها..